هل أستمر في هذا الزواج رغم الخيانة والإيذاء؟

روت سيدة مشكلتها مع زوجها، عبر حساباتها على مواقع التواصل الاجتماعي، وطلبت من متابعيها ردودا وحلولا لها، لتفادي ما حدث معها واستقرار حياتها.

وقالت السيدة في شكواها: "السلام عليكم، هل أستمر في هذا الزواج رغم الخيانة والإيذاء؟ بدي نصيحة من أخواتي وإخواني، مشان الله، لأن ما عم أقدر فكر بشي من قد ما أنا مقهورة، أنا تزوجت على بلد أجنبي وزوجي الحمد لله صايم ومصلي وما بقصر بشي، بس من البداية حسيت بنفور من زوجي بالعلاقة، بلبس وبهتم بحالي، ولا يتحرك ولا في شي، فكرت إنو بس لحتى نتعود على بعض، بس صار هالشي يطول أكتر، أول شي كل أسبوعين، وبعدها صارت بالأشهر".

وأضافت: "وبهذه الفترة صرت حامل، لما فتحت موبايلو لقيتو يتفرج على أفلام، وينطر اللحظة يلي أطلع فيها من البيت كرمال يتفرج، خانقتو، وحكالي خلص آخر مرة، وراح يغير رمز موبايلو، وقال لي خصوصية، بس ضل مستمر بهالأفلام ورا ظهري، ووصل لهجران لسنة كاملة، وبعدها اكتشفت إنو بلش يحكي مع وحدة متزوّجة، وصاير بيناتن بوس وأحضان، وما بعرف إذا وصلت لعلاقة كاملة، أنا جنيت وخانقتو، وصار عم يحط اللوم عليّ، وإنّي نفسية، قلتلو: من عمايلك، من هجرانك إلي، ما بقى أعرف لإيمتى".

وتابعت: "قام ضربني كف، قمت طلعت أنا وبنتي، وضليت شهرين كاملين عند أختي، ولا حكى ولا اتصل، وبعدها إجا بعد ما حكى مع بابا عالتلفون، وما اعتذر ولا حكى شي، بس إنو هالشي غلط وخلينا نرجع، رجعت معو، وضل هجرانو".

وواصلت: "ولما حكيت معو قال لي: عادي، طبيعي، كل شهرين أو أربع شهور، العمر إلو حقه، عمره 46 وأنا 33، وهو لسا يشوف أفلام، ما بقى عرفانة شو أعمل، خيانتو إلي ما عم أقدر أنساها ولا هجرانو مشان الله، بس حدا يجاوبني".

وجاءت الردود عليها كالتالي..

كوني منفتحة ولا تعقدي الأمور عالجيها بالعقل

نفس معاناتي انا كنت متزوجه واحد مدمن افلام كيف اكتشفت انو ماينجذب لي ولايطلب العلاقه مع انو مافيني شي منفر ..واشك انه شاذ لانه يستمتع مع الخلف ويطلب مني انو يجرب وانا ارفض ..اخر شي خلعته ماقدرت اتحمل يدور اي زله مني عشان يهجرني ويجلس لحاله واذا مل جا وراضاني كذا يتلاعب فيني عانيت كثير حتى انفصلنا وبعد الانفصال تبهذلت ٦ شهور لين استقريت اذا لك سند بعد الله اتركيه مافيه فايده اذا ماعندك احد ومدخول اعتبريه صرافه للعيش وعيشي معاه حياه رماديه لاترجين منه عواطف او شي ثاني

أختي الزواج مو لعبة وفي بيت وبنت بيناتكن يمكن زوجك غلط وغلط كبير بس إذا هلا عم يرجع وعم يقول بدو يكمل ليش ما تعطي فرصة أخيرة بشروطك علاج وحدود واضحة ووقف كل شي غلط إذا في احتمال يتصلح جربي مشان بنتك ومشان ضميرك

نصيحة تزوجي رجل يعزك ويكرمك ويحترمك .