كزبرة يوجه رسالة لـ تامر حسني: «عارف إن المهرجانات بتفرح الناس»

وجه مؤدي المهرجانات كزبرة رساله خاصة للنجم تامر حسني، عبر حسابه الرسمي بموقع التواصل الاجتماعي "فيس بوك" .

 

ونشر كزبرة صورة تجمعه بالنجم تامر حسني، وعلق عليها، قائلأ: "أنا بس حابب أقول حاجة في حق الراجل ده تامر حسني ده فنان كبير بمعنى الكلمة لأنه بيعرف يواكب العصر وعارف إزاي يتعامل مع الجيل الجديد وثقافته لأنه فاهم يعني إيه ثقافة مصرية".
 

وتابع كزبرة: "فاهم إن المهرجان ده مزيكا مصرية بتفرح الناس البسيطة في أفراحهم ومش بس البسيطة بتفرح كل الطبقات وبتمثل الشارع المصري وإن مزيكا المهرجان ليها مكانتها في كل دول العالم والغرب برة بيقدروا نوع المزيكا دي".

واختتم كزبرة: "ولو في ناس هتختلف على الكلام ده الزمن هيثبتلكم ده قدام وكلها أيام الأغنية هتنزل وهتعجب كل الناس ".

 

وكان قد وجه مؤدي المهرجانات كزبرة رساله مثيرة للفنانة أصالة، عبر حسابه الرسمي بموقع التواصل الاجتماعي " فيس بوك ".

ونشر كزبرة صورة تجمعه بالنجمة أًصالة، موجهاً لها رسالة، قائلاً: " فاكرة يافنانة لما طلبت أعمل أغنية معاكي وقولتي مش موافقة أحب أقولك استني أغنيتي مع الفنان تامر حسني".
 

وفي سياق متصل شارك النجم تامر حسني مع جمهوره ومتابعيه، بمنشور لأحدث ظهور له، عبر صفحته الرسمية بموقع الصور والفيديو«إنستجرام».
 

وفاجأ النجم تامر حسني جمهوره خلال أحدث حفلاته بالإعلان عن عمل غنائي جديد يجمعه بالمطرب أحمد بحر، المعروف بلقب "كزبرة"، وذلك من خلال مقطع فيديو طريف.
 

وعلق تامر حسني على المنشور قائلًا: نورتني يا حبيبي.. طبعاً دي أقل حاجة في هزارنا العادي.. يلا استنونا شوية وهنزلكم حتة من أغنيتنا اللي بنحضرها من كام يوم عشان نغنيها في حفلة Red Bull Jukebox، بس احفظوها صمممم عشان شكلكم هتهدوها لناس كتير.. وأحسن 10 هيعملوا حركات الأُغنية صح هنعزمهم على الحفلة، وكمان هنطلعهم يعملوها معانا على المسرح.. ودي يا بحر".
 

ويعد هذا التعاون هو الأول من نوعه بين تامر حسني وكزبرة، إذ يجمع بين لون الغناء الرومانسي الذي يشتهر به تامر، والطابع الشعبي الذي يميز كزبرة.