حلمت بالفوطة الصحية في المنام.. ما تفسير ذلك؟
أول تعليق من الإعلامية بسمة وهبة على تصريحات ميار الببلاوي (فيديو)
خرجت الإعلامية بسمة وهبة عن صمتها بعد تصريحات ميار البببلاوي بشأن ندمها على حلقتها معها في برنامج العرافة التي أحدثت لها العديد من المشاكل مع أسرتها كما جعلت الشيخ محمد أبو بكر يهاجمها ويتهمها بالزنا بعد تصريح زواجها بعد طلاق ١١ مرة.
تعليق بسمة وهبة على واقعة ميار الببلاوي
وعلقت بسمة وهبة عبر فيديو بثته على حسابها على موقع تداول الصور والفيديوهات إنستجرام على واقعة ميار الببلاوي، قائلة: "احياناً في ناس بتحب تطلع على حسابي التريند وبسيبها وبطنش ولكن في مرات لازم أرد، دلوقتي أنا مجبتش كلام من عندي كل الكلام اتقال على لسانك في الحلقة ولو أنتي منزعجة من الحلقة ليه مخرجتيش يومها وعملتي الهوليلة اللي عملتيها دلوقتي".
بسمة وهبة تهاجم الشيخ محمد أبو بكر
كما أعربت بسمة وهبة عن استيائها الشديد من الاتهامات التي نسبها الشيخ محمد أبو بكر في حق ميار الببلاوي واتهامها بالزنا قائلة: "ده مش نفس نهج سيدنا النبي أبدا، ولا دي طريقته، مينفعش الكلام اللي قلته ده بيتعارض مع الخطاب الديني، هاتلي 3 شهود غيرك يؤكدوا حكم الزنا اللي قلته".
اقرأ أيضا..
رد ميار الببلاوي على بسمة وهبة
وبدورها ردت ميار الببلاوي على تصريحات بسمة وهبة عبر حسابها على موقع إنستجرام قائلة: "رغم تحفظي على الجزء الأول واستخدام نفس الأسلوب اللى كان مزعلني ومخليني فاقدة تركيزي في الرد في الحلقة، إلا إنى هرد على الجزئية بتاعت البوليكة، أنا بعد الحلقة مفتحتش بؤقي ولا اهتميت إيه اللى عمل تريند ولا لأ، أنا مكنتش مبسوطة بالحلقة عموما، لكن كنت مبسوطة بأنی هكون معاكى لأن أشهد الله أنى بحبك جدا فى الله لموقف عملتيه معايا في بدايتنا الإعلامية وسابلك معزة فى قلبي لإني مبنساش المعروف".
وتابعت : "عموما طريقتك في الكلام عني مضايقنى أنا فعلًا متكلمتش رغم المصايب اللى حصلتلي بعد الحلقة لأني قلت شوية، والموضوع هيموت یعنی مجریتش ورا تريند ولا فضحت نفسي ولا كذبت زي ما حضرتك تفضلتي، لكن بمجرد ما الشيخ اتكلم أيوه مكنش ينفع أسكت ولازم أدافع عن نفسى وأي حد كان بيقولي بسمة السبب بقولهم أنا رحت بإرادتي وأنا الى جاوبت على الأسئلة بس هى مكنتش بتدیني فرصة للتوضيح".
واختتمت ميار الببلاوي حديثها قائلة: " كنت مضايقة من الطريقة جدا والأسلوب في الحلقة، وده أفقدني تركیزي تماما، وبالنسبة للمونتاج قلت إن فى حاجات كتير اتمنتجت وده حضرتك أقريتيه، لكن مقلتش إنك ركبتي صوت وكده، بسمة شكرا لنصيحتك لابني وشكرا على دفاعك عني، بس رجاء اتكلمي عني بطريقة غير كده، لأنك عارفة إني مستاهلش أي إهانة ولا تجاوز، أسأل الله العظيم رب العرش الكريم أن يغفر لنا أجمعين وبرضه أحبك في الله".
