صاحبة الفستان الأزرق: أنا لو متجوزة هحترم جوزي ومينفعش أطلع أرقص كده

في مكالمة هاتفية في برنامج الحكاية الذي يقدمه الإعلامي عمرو أديب، على فضائية "إم بي سي"، صرحت الفتاة ياسمين الشهيرة بصاحبة الفستان الأزرق عن هوية الشخص الذي قام بنشر الفيديو على السوشيال ميديا وأوضحت موقف عائلتها من الواقعة.

اللي نشر الفيديو صاحب القاعة

في مداخلة مع الإعلامي عمرو أديب، صرحت صاحبة الفستان الأزرق، بأن كانت ووالدتها في حفل زفاف أقاربها، وأنهم كعائلة في البداية أخبروا صاحب القاعة بعدم نشر أي مقاطع من الفيديو الخاصة بحفل الزفاف.

وقالت: «أنا كلموني الساعة 3 الفجر، وقالولي إنتي طالعة تريند في حد منزل فيديو ليكي وجايب 2 مليون مشاهدة على التيك توك واسم الشخص الذي تم ذكره هو صاحب القاعة اللي كان فيها الفرح".

وأعربت ياسمين، وهي طالبة في كلية الآداب بقسم شعبة الآثار بجامعة المنصورة، بأنها مستاءة من تعليقات الآخرين على الواقعة، وقالت: «أنا مأجرمتش ولا كنت في وضع مخل عشان القصة دي تبقى وصمة عار في حياتي».

لو متجوزة هحترم جوزي

وردًا على شائعة طلاقها، أكدت ياسمين، أو صاحبة الفستان الأزرق، بأنها آنسة، وليست متزوجة وهي لا تزال طالبة في السنة الأخيرة من الجامعة، قائلة: «خليني أقول آه مينفعش، انا أكيد لو متجوزة هحترم جوزي ولا مينفعش أطلع أرقص كده، لكن أنا بنوتة صغيرة».

وأضافت: «الفرح مكانش فيه حد غريب، والشباب اللي ظهرت في الفيديو من طاقم القاعة ولم يكن هناك سوى والد العريس وخال العروسة وباقي المتواجدين من حولي نساء».

وأكملت: «أنا ماليش غير أخت واحدة وزعلانة وحزينة والكل داخل يقولها ايه اللي أختك عاملاه ده، هو أنا عملت ايه، انتوا بتهاجموني ليه أنا منزلتوش ونزل غصب عني».

بسمة وهبة وبلاغ على الهواء