بملعقة واحدة.. 6 فوائد للعسل تحدث في جسمك لن تصدقيها.. ما هي؟
فيديو وصية شقيقة العريس يشعل التريند.. والسوشيال ميديا: حرباية
الإثنين 12/يونيو/2023 - 07:04 م
ساندي جرجس
تصدرت إحدى النساء تريند مواقع التواصل الاجتماعي، بعد ظهورها في مقطع فيديو خلال حفل زفاف أخيها وهي توصي العروس على أخيها وتنصحها بعدم إبعاد أخيها عنها، حيث واجهت تلك المرأة هجومًا شديدًا من رواد السوشيال ميديا مشيرين إلى أنها سوف تسبب مشاكل لتلك الزوجة المسكينة بسبب تعلقها بأخيها.
وتداول رواد السوشيال ميديا مقطع الفيديو، مع تعليقات ومنشورات ساخرة متعددة وتحذيرات للعروس "ندى"، وكانت التعليقات كالآتي:
كتبت إحدى صفحات النساء على "فيس بوك": «الڤيديو ده فيه كمية خوازيق شفافة مش متشافة يا ندى ! .. خلي بالك من نفسك أنا معرفش الأفراح حواراتها كترت ليه. لازم أي حد يطلع يدي محاضرة في نص الفرح».
كما سخرت صفحة أخرى وكتبت: «ڤيديو أخت العريس ده أصعب من ڤيديو القرش».
وعلقت جيسي: «عمتو الحربايه اهيه».
وقالت آية: «يا ختي انتي لو واثقة في اخوكي مش حتقولي المحاضرة دي».
كما علقت سلمى: «والناس قعدت تستمع للخطبه دي بقي».
وقالت نهى: «خلاص ياستي ده انتو اخوات جدا»، وقالت اسماء : «فكرتني بالهطله بتاعة امي تم امي».
وعلقت إيمان: «الواحد بيكره اوي النوعيات دي من الفيديوهات حقيقي قمه الاستفزاز واصلا اخوها فين من أم المحاضره دي هي متعرفش تكلم مراه اخوها في بيتهم على جنب وتوصيها زي ما هي عايزه وبعدين في الوقت ده العروسه عايزه الا يخلي باله منها اساسا ويطمنها ومين يوصي على ندا بقي ان شاء الله.. كده يعني عرفنا انك بتعشقي اخوكي مثلا صدقيني انا شايفه كل الهري ده عدم احترام لأخوكي اساسا».
وعلقت سيمون: «بتجوزوا ليه ياختي طالما انتوا مش قادرين عل بعاده قعدوا بيه ولا وجع القلب ده».
وقالت شيماء: «شغل حرابيئ بجد الله يعين العروسه علي اللي هتشوفه».
كما علقت سمر: «بمناسبه الفيديو دا فا كنت حابه اقول حاجه يوم الفرح بتبقي العروسه خايفه ومتوتره جدا انها داخله حياه جديد مع ناس جديده ومحتاجه تطمن فا تخيلي بقي وسط خوفك وتوترك تلاقي اخت العريس واقفه تديكي محاضره في نص الفرح وتقولك خلي بالك منه متزعليهوش دا سندي دا عيني دا كبدي ومتبعدهوش عني ومعرفش ايه يعني سابت فتره الخطوبه كلها وسابت يوم كتب الكتاب وجايه تقولك الكلام دا قدام امة لا إله إلا الله وحاجه اخر قر ف ، عايزه توصيها علي اخوكي يبقي بينك وبينها بين الاهل وبعضها لكن بالطريقه دي اسمها قلة ادب وقرف اللي خايفه علي اخوها اوي ومش عايزاه يبعد عنها وهو عينيها وقلبها وكل المحن دا تقعدو جمبها وتسيب بنات الناس في حالها وشكرا».
