الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

من أرشيف محكمة الأسرة| جوزي بيغير من عياله وعاوزني أحميه

الجمعة 24/مارس/2023 - 06:01 م
هير نيوز

من داخل محكمة الأسرة تحدثت عن زوجها الذى يطلب منها أن تدلله كالأطفال وإذا رفضت مطلبه يقوم بتعنيفها ومقارنتها بالزوجات الأخريات اللاتي يظهرن في الأفلام مما يشعر الزوجة بالتعاسة في بيتها حتى قررت طلب الطلاق من زوجها ومطالبته بالإنفاق في محكمة الأسرة.



وأضافت: "متجوزين من 7 سنين وعندنا بنت وولد جوزي من يوم ما عرفته وهو شخصيته قوية والناس كلها بتعمله ألف حساب وده اللي حببني فيه وهو كان زي اي راجل بيحب الدلع اللي بين الراجل ومراته كان بيطلب مني أرقصله واتكلم معاه بدلع والبسله لبس من اللي بيحبه وكل ده أنا مكنتش معارضة فيه لأنه من حقه لكن الوضع بدأ يبقي مش مريح ومفيش زوجة عاقلة تقدر تتحمله".
 
وتابعت الزوجة: "جوزي في الفترة الأخيرة من جوازنا ومن سنة بالظبط بدأت أحس إنه بيغير من اهتمامي بعيالي وعايزني أعامله زيهم في الأول طاوعته عشان ميزعلش لكن بعد كده الموضوع زاد عن حده وبقي إرهاق ليا لأنه عايزني طول الوقت وإحنا قاعدين علي الأكل أوكله في بوقه زي عيالي وبطل يدخل يستحمى غير لو أنا اللي دخلت حميته ومسمى ده دلع لكن أنا تعبت وكفاية عليا المجهود اللي ببذله مع عيالي وفي المطبخ وفي التنضيف يزيد عليهم كمان طلبات جوزي الغريبة وهو راجل كبير ويقدر يعمل كل حاجة لنفسه".



وتابعت: "جوزي عشان يخليني ادلعه بالشكل اللي هو طالبه بدأ يقارن بيني وبين الستات اللي في المسلسلات والأفلام ويقولي اتعلمي منهم بصي الست منهم بتبقي قاعدة تحت رجلين جوزها إزاي ومش مخلياه يمد إيده في حاجة ولما اقوله حرام عليك وكفاية تعب ومجهود البيت والعيال يقولي خلاص براحتك بس متزعليش لما تلاقيني اتجوزت عليكي، كل ده وأنا ساكتة لحد ما وصل بيه الموضوع أنه يقارن بيني كمان وبين قرايبه وستات يعرفهم في الحقيقة وبيغيظني بيهم بالاسم عشان ابقي زيهم لكن أنا برضه مهمنيش.

واختتمت: "آخر ما تعبت منه طلبت الطلاق عشان ارتاح وهو مترددش لحظة ورمي عليا الطلاق في لحظتها ومدوخني في المحاكم عشان يبعتلي نفقة لعيالي منه لله استحملته وجيت علي نفسي عشانه وفي الآخر طلقني ورمي عياله".

ads