من أرشيف محكمة الأسرة| جوزي بيغير من عياله وعاوزني أحميه

وأضافت: "متجوزين من 7 سنين وعندنا بنت وولد جوزي من يوم ما عرفته وهو شخصيته قوية والناس كلها بتعمله ألف حساب وده اللي حببني فيه وهو كان زي اي راجل بيحب الدلع اللي بين الراجل ومراته كان بيطلب مني أرقصله واتكلم معاه بدلع والبسله لبس من اللي بيحبه وكل ده أنا مكنتش معارضة فيه لأنه من حقه لكن الوضع بدأ يبقي مش مريح ومفيش زوجة عاقلة تقدر تتحمله".
 

وتابعت: "جوزي عشان يخليني ادلعه بالشكل اللي هو طالبه بدأ يقارن بيني وبين الستات اللي في المسلسلات والأفلام ويقولي اتعلمي منهم بصي الست منهم بتبقي قاعدة تحت رجلين جوزها إزاي ومش مخلياه يمد إيده في حاجة ولما اقوله حرام عليك وكفاية تعب ومجهود البيت والعيال يقولي خلاص براحتك بس متزعليش لما تلاقيني اتجوزت عليكي، كل ده وأنا ساكتة لحد ما وصل بيه الموضوع أنه يقارن بيني كمان وبين قرايبه وستات يعرفهم في الحقيقة وبيغيظني بيهم بالاسم عشان ابقي زيهم لكن أنا برضه مهمنيش.

واختتمت: "آخر ما تعبت منه طلبت الطلاق عشان ارتاح وهو مترددش لحظة ورمي عليا الطلاق في لحظتها ومدوخني في المحاكم عشان يبعتلي نفقة لعيالي منه لله استحملته وجيت علي نفسي عشانه وفي الآخر طلقني ورمي عياله".