سحر رامي عن مشاهد القبلات: الفن مفيهوش شروط دينية ولا أخلاقية

وقالت الفنانة سحر رامي في تصريحات لها اليوم إنها لا تملك أي خطوط حمراء في عالم الفن، ولا تفكر بهذه الطريقة.

وأضافت: "الفنانة بتمثل اللي يتعرض عليها سواء خطوط حمراء أو لا، المهم إني أعرف أقدم الدور صح ويكون لايق عليا".

وتابعت: "أنا مش برفض أي أعمال، بشرط الدور يناسبني إنما مينفعش أطلع في دور بنت صغيرة أو ست هتتجوز وتخلف، وأنا أهم شيء بالنسبة لي الشخصية لدرجة طلعت أم لـ فنانين أكبر مني سنًا، لمجرد إن الشخصية لايقة عليا وهقدر أقدمها بشكل مناسب".

وأردفت: "أنا عمري ما بحكم على حد وطول عمري إنسانة سوية، واللي تتحجب وتخلعه هي حرة، ولكن الفنانة اللي بتقول حرام حد يمسك إيدي وألبس عريان، بقول لها متمثليش واعملي الأدوار المناسبة".

وسبق أن تحدثت الفنانة سحر رامي ونفت شائعة ارتدائها الحجاب وتركها التمثيل قائلة: "أنا بعيدة عن شائعة الحجاب تمامًا ومكانش ليا تصريح قبل كده بيمهد لحاجة زي كدة والناس بتسألني إنت مش عايزة تشتغلي، كإن الواحد بيشغل نفسه، ومكانش عندي تصريح سابق أرفض فيه مشاهد القبلات أو اللبس القصير أو أدوار الإغراء، دي كلها مقدمات لأن عندك ميول متحفظة".

وأوضحت الفنانة أنها لا تصنف نفسها كنجمة متحفظة قائلة: "أنا طبيعية، لو في أدوار لا تناسبني مش هعملها، لكن لا أضع شروط دينية أو أخلاقية لأدواري ولا أحكم على أحد، كل واحد حر في اختياره".