كلام ستات

«ضياع أم استقلال؟».. المطلقات على السوشيال ميديا يتشاركن تجاربهن| صور

الخميس 08/ديسمبر/2022 - 05:37 م

ساندي جرجس

انتشرت الكثير من الجروبات الخاصة بالمطلقات على موقع التواصل الاجتماعي "فيس بوك"، حيث تضم عدد كبير من النساء المطلقات والرجال أيضا الذين مروا بتجربة الطلاق.

وتعتبر تلك الجروبات مكان مميز لكل شخص مر بتجربة الطلاق حتى يتبادلون الخبرات ويتحدثوا عن ما يشعرون به بعد تجربة الطلاق.

ومن أبرز العناوين المستخدمة في جروبات المطلقات على فيس بوك «الطلاق نهاية ألم وبداية أمل»، وكانت المنشورات في بعض الجروبات كالآتي:

ونشر أحمد: «طلاق طلاق وطلاق وبيوت بتدمر انتى اعقلى شويه ومشوها تمشى وانتا حافظ على بيتك يارب يعمر بيتكو».

بينما تساءلت سمر «حالك ايه بعد الطلاق ؟»

وكانت التعليقات مختلفة ما بين امرأة سعيدة بطلاقها ورجل يعاني بدون زوجته، حيث علقت مروة: «ربنا عوضني واتجوزت وعايشه أحلى حياه الحمدلله».

وقالت رنا: «راحة نفسية، استقلال من استعمار».

بينما علقت مريم: «اللي تقولك مبسوطه بعد الانفصال بتضحك على نفسها مفيش حد فينا مرتاح حتى لو احنا مبسوطين».

وقال أحمد: «اقسم يمين يحاسبني عليه ربنا انا ف اعلي درجات التعب والحزن علي مراتي».

وعلق أبو آدم: «الطلاق اتنين خايبين اتلموا على بعض متشابهين بس مفيش ظالم ومظلوم ف الطلاق كلها نيه بايظه للطرفين .. مفيش فيها حد مظلوم المرايه بتعكس صورتك الحقيقه .. واختيارك أو اختيارها تشبهكم بالظبط زى نظرتك ف المرايه ».