فن وثقافة

إلهام شاهين تتغزل في كاملة أبو ذكري: شرفتي اسم الفن المصري

الخميس 17/نوفمبر/2022 - 11:24 م

إلهام شاهين وكاملة أبو ذكرى

بسمة خالد

أشادت الفنانة إلهام شاهين بالمخرجة كاملة أبو ذكرى، وذلك بعد تكريمها بجائزة فاتن حمامة في الندوة الحوارية التي أقيمت اليوم ضمن فعاليات مهرجان القاهرة السينمائي الدولي بدورته الـ44.

نموذج للمخرج المبدع

وقالت إلهام شاهين خلال المؤتمر الصحفي الموجود في المهرجان مادحةً في كاملة أبو ذكرى: "كاملة مش مخرجة بتاخد نص تنفذه، كاملة نموذج للمخرج المبدع، اللي هو ليه إضافة في كل شوت وكل جملة، وباخد النص لما بقرأه حاجة وفي التنفيذ حاجة وعلى الشاشة حاجة تانية خالص".

كاملة بتعمل إضافة للممثل

وتابعت: "أنا بفرح جدا أما بشتغل مع كاملة وبسملمها نفسي تمام بثقة فظيعة، لأنها من أكثر المخرجين اللي بيحبوا الممثلين بجد، لأن فيه ناس بتغير من الممثل، لأنه عايزين يطلعوا شغلهم صح وخلاص، لكن كاملة بتعمل اضافة للممثل، كل الممثلين بيطلعوا مع كاملة حاجة وبقيت المخرجين حاجة تانية".

طفرة في السينما المصرية

وأضافت: "كاملة عملت طفرة في السينما المصرية، والفيلم اللي عملته معاها حصل على 50 جائزة، بطلوع الروح كل مهرجان بيدخل فيه جايزتين تلاتة، انتي شرفتي اسم الفن المصري".

واستكملت بشأن سبب غياب المخرجة عن السينما: "كل حلقة في مسلسل بطلوع الروح لـ كاملة أبو ذكرى كان فيلم مستقل بذاته، كل الشغل كان شغل سينما على أعلى مستوى وأعلى تكنيك في السينما اتقدم في هذا المسلسل، المسلسل أما بنشوفه على المنصات بنتفرج عليه كفيلم طويل، بسب بستمتع استمتاع عظيم، وبشكرك بجد على جمالك وتعبك ومهنيتك وابداعك".

ندوة حوارية مع كاملة أبو ذكري

الجدير بالذكر أن الندوة الحوارية قد أقيمت بعد تكريم المخرجة في مهرجان القاهرة بـ جائزة فاتن حمامة، بحضور العديد من النجوم والنجمات ومنهم لقاء الخميسي، بسنت صيام وأحمد صيام، عمر السعيد، يوسف عثمان، سولاف فواخرجي وركين سعد.

اقرأ أيضًا..