«ليلتك مش هتعدي».. أول رد من رضوى الشربيني على انتقاد سعيد جميل لها

هاجم الإعلامي سعيد جميل الإعلامية رضوى الشربيني؛ بسبب تحريضها على الرجال، وتوجيه الانتقادات الدائمة لهم، وذلك من خلال برنامجه الذي يُعرض عبر قناة القاهرة والناس.

وقال الإعلامي سعيد جميل عنها :"ليه كده يا أستاذة رضوى ده أنا بحبك والله وعادي تتجوزي مرة واتنين وتلاتة وعشرين طالما مش مرتاحة بس تفتكري العيب في العشرين ولا في الست ومينفعش نقول إن الست عندها مشاكل ولازم تصلحها عشان تستقر؟".

واستكمل حديثه مستنكرًا: "هو ليه يا جماعة بقى أسهل حاجة عندنا نقولها اطلقي؟ لا في حلول كتير غير الطلاق وخلوا الانفصال في آخر محطة ومش لازم ننزل في أول محطة ".

وتابع كلامه:

"أنا بقولكوا فكوا كل البلوكات وحاولوا بدل المرة مية، يا شيخة دي أحلى حاجه لحظات السعادة والحب بعد الخناق وبنبوس رأس بعض ونتصافى".

وعاد الإعلامي ونشر الفيديو عبر حسابه بموقع التواصل الاجتماعي" فيس بوك"، وكتب صوت الرجالة لازم يوصل لترد رضوى عليه مازحةً: "ده أنا هموتك وليلتك مش هتعدي".

الجدير بالذكر أن الإعلامية رضوى الشربيني قد دافعت عن الفنانة شيرين عبدالوهاب بعد تصدرها التريند بسبب عودتها لطليقها الفنان حسام حبيب مرة أخري وعلقت علي الأمر قائلة ً"إزاي تقولوا على شيرين عبد الوهاب معندهاش كرامة، ودافعت عن حسام حبيب.. حد يقولي غلط في ايه؟.. أخو شيرين هو اللي قال تصريحات مش كويسة في حق أخته، وكان في حد من مصلحته أن تكون نفسية شيرين مش كويسة".

وأضافت: "إحنا مالنا مترجعلوا لبعض اللي بيشيل قربة مخرومة بتخر على دماغه إحنا إيه مشكلتنا أن شيرين وحسام يسيبوا أو يرجعوا لبعض".