لأول مرة من مصر.. تفاصيل مشاركة محمد رمضان في مهرجان كوتشيلا للموسيقى
نجوى فؤاد عن لوسي: «مرضيتش تدخلني بيتها» .. والأخيرة ترد!
الأحد 13/نوفمبر/2022 - 10:47 ص
لوسي ونجوي فؤاد
بسمة خالد
كشفت الفنانة نجوى فؤاد عن وجود خلاف بينها وبين الفنانة لوسي، وأن لوسي رفضت استقبالها في بيتها.. قائلة: "مغلطتش في موقفي مع لوسي علشان أصلحوا، وهي غلطت فيا هي وأسرتها، أنا سمعت إنهم تعبانين، واشتريت شوية حلويات وروحتلهم، وكان معايا صديقة صحفية، وهي اللي كانت تعبانة، ونزلت البواب قالي دول في المستشفى، قولتله مستشفى إيه ومحدش رد عليا، وعرفت إن هما فوق نايمين، قولتلهم أجيلكوا وقت تاني واتضايقت".
سبب الخلاف
واسترسلت نجوى فؤاد كلامها:"ومش هي اللي قالت ديه واحدة شغالة صغيرة، طلعت سلم البيت لغاية الأسانسير، واتجرحت جدًا، وكنت رايحة من قلبي، قوليلي قابليني في أي وقت مش كدة، الموقف على بعضه مش حلو، لما أكون نايمة، البنات نايمة ممكن تتصلوا بعديها بساعة، وفي 100 اعتذار، ومكلمتنيش ولا أنا اللي كلمتها، ومش متضايقة إن مش بكلمها، ولوسي فنانة موهوبة ومحترمة، وممثلة درجة أولى ومعترفه بيها مليون في المية"، جاء ذلك خلال حوارها ببرنامج" قعدة ستات"،والذي تقدمه الإعلامية مروة صبري عبر فضائية "القاهرة اليوم".
واختتمت كلامها برسالة لـ لوسي قائلة:"كنت زعلانة منك بس والله نسيت، وتليفوناتي ومخي وقلبي وعواطفي كله ليك، مفيش حاجة، ومفيش زعل بينا وبين بعض، ومش زعلانة".
اقرأ أيضًا..
رنا سماحة تتعرض للإجهاض: الجنين مات في بطني
رد لوسي عليها
من جانبها حرصت الفنانة لوسي علي الرد عليها من خلال مداخله هاتفية لنفس البرنامج قائلة لها: "إنت إمبراطورة الاستعراض، وطول عمرك رقيقة وشيك وبتحترمي الكل، وأنا بحبك جدًا"
وأضافت: "مش ممكن أزعل منها، وهي حضرت استعراضاتي كتير وعيد ميلادي وست مش ممكن تغلط في حد، لكن إحنا أهل فن وممكن نزعل، وفي الآخر نتصالح ونقابل بعض بالأحضان" .
