فن وثقافة

سمية الخشاب توجه رسائل نارية ضد شيرين عبد الوهاب بعد عودتها لحسام حبيب

السبت 12/نوفمبر/2022 - 08:33 م

نور أحمد

علقت الفنانة سمية الخشاب، على عودة شيرين عبد الوهاب، لطليقها حسام حبيب، من جديد، خلال الساعات الماضية.

وكتبت الخشاب عبر حسابها على "تويتر": "بعد كده يا حبايبي منتعاطفش مع حد إلا لما نتأكد أنه هو نفسه متعاطف مع نفسه عشان منحرقش كتير على الفاضي".

وأضافت: "المهم يا بنات ويا ستات أرجوكم حاولوا على قد ما تقدروا تبقوا good representation واعرفوا قيمه نفسكم واعرفوا انكم مش محتاجين أي حد في الدنيا، ده بالعكس هما اللي محتاجيننا اكتر".

وتابعت: "أي علاقة تمنها كرامة الإنسان تغور في ستين داهية، العالم فيه ٦ مليار والله، والواحد لما بيركز فشغله وحياته وشكله بيوصل لمرحله ملكيه مبيبقاش فعلا محتاج لحد، إلا لو هو بلا هوية، ولازم يكون تابع لحد عشان يعرف يعيش".

- تصريحات شيرين عبد الوهاب

وفي الساعات الماضية أعلنت شيرين عبد الوهاب، عودتها من جديد إلى طليقها الفنان حسام حبيب، حيث ظهرت الأولى مع طليقها إلى جانب "المأذون" وهما بصدد الزواج، في صورة جرى تداولها على نطاق واسع في المنصات الاجتماعية.

وقالت شيرين: "أنا كويسة لسة بخضع لعلاجي النفسي اللي بخضعله من ساعة ما خلفت مريم وهنا، أنا باين على صوتي إني مش محتاجة حاجة".

وتوجهت بالشكر للناس قائلة: "أنا ممتنة جدا للناس عاوزة اقولهم انتم تعبتوا فيا وانا عمري ما هخذلكم ابدا، بشكر اللي قال كلمة حلوة واللي قال كلمة وحشة لانه ممكن يكون مضايق علشاني، قضيت ايام صعبة علشان اتاخدت على خوانة، انا لما صحيت تاني يوم في المستشفى قولت لنفسي انا قاعدة في مكان امين وباكل أحسن اكل وبنام أحسن نومة، وقولت ليه مستغلش ده في اني ابقى افضل، والناس كانوا مدلعني وبقيت احسن".

وشكرت شقيقها محمد عبد الوهاب لأنه عرفها على المستشفى "علشان علموني انام بدري وبصحى بدري"، كما تشكرت الصحافة والصحفيين وقالت: "من خلال برنامجك هشكر صحافة بلدي وبشكر صحافة الوطن العربي كله".

وأضاف: “أنا بعتذر لحسام عن الكلام اللي صدر مني في يوم من الأيام، وأنا النهارده عايزة أقفل صفحة حياتي مع الناس لأني كنت السبب في فتح الصفحة دي للناس وخليتهم انشغلوا بيَّ وسط مشاكلهم، أنا في عصمة راجل طيب جدًّا وحبيبي من البداية ولو قلت كلام ضايقه فدا شيطان بيحصل بين اي زوجين”.