رد صادم من مني العراقي بعد نفي أيمن رشوان «زواجهما»

لا تزال الإعلامية مني العراقي تتصدر مواقع التواصل الاجتماعي بعد قصة زواجها الأخيرة التي أعلنتها علي موقع الفيسبوك، وأوضحت أنها تزوجت من الدكتور أيمن رشوان والذي بدوره نفي الأمر نهائياً؛ لتعود الأخرى وتوضح حقيقة الأمر.

نشرت الإعلامية مني العراقي "بث مباشر" علي موقع الفيسبوك إنهارت فيه أمام متابعيها بسبب وأوضحت تفاصيل جديدة عن أمر الزواج قالت فيها "إيه القرف اللي أنا فيه ده؟ كل دا بيحصلي ليه؟ أيه المهم في قصة جوازي وارتباطي أنا بقالي أكتر من يومين مش بنام ونفسيتي اتدمرت عشان قررت أعلن عن حياتي الشخصية، وأنا مش عايزة أتجوز في السر تاني خلاص ولادي كبروا أخبي ليه؟ وقالوا لي بلاش ترتبطي في السر، دلوقتي مفيش داعي".

واستطردت العراقي كلامها "ولما حد كان بيسألني كنت بقوله هتجوز قريب، والسؤال اللي دمر نفسيتي بقاله يومين هو سؤال الناس عن هوية العريس، إنت مالك؟ أنا حرة أقول وقت ما أنا عايزة وحرة أقول مين، وإنت بردو أصروا يعرفوا وقولت لهم هعلن في الوقت المناسب عشان حياتي وحياته متبوظش".

وتابعت مني العراقي حديثها منهارة: "وجه فرح وحضرت وروحت أسلم على أيمن رشوان والناس قالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم أهروا أنا متعودة مردش على الحاجات دي"

وأضافت: "اللي عرفني الخبر صديقي، قالي إلحقي علشان شافوكم بترقصوا في الفرح إنتي وإيمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن وبيسألوا اتجوزت مين، إنت مالك؟، خلصت القصة، يعني إيه جواز منى عراقي اللي بقالها سنة بعيدة عن الشاشة يبقى التريند الأول عربيًا".

واختتمت العراقي كلامها مؤكدة أنه ليس المقصود أيمن رشوان قائلة: "أنا مش عايزة أقول هو مين، وكل اللي يهمني أقوله إنه مش أيمن رشوان، وقُلت ده من ساعتها، إيه القصة؟ مين يجي يخلصني من التريند بتاعي ده؟ ولادي تأذوا وهو حياته اتلغبطت والله أعلم بحاله، والقصة تافهة".