فن وثقافة

بسمة وهبة من غرفة العمليات: ارحموني صاحبتي ماتت من الحسد

الثلاثاء 06/سبتمبر/2022 - 12:09 م

بسمة وهبة

بسمة خالد

نشرت الإعلامية بسمة وهبة مقطع فيديو لها عبر موقع التواصل الاجتماعي وتبادل الصور والفيديوهات "إنستجرام" أثناء دخولها لإجراء عملية جراحية وعلقت فيه عن الحسد المنتشر بشكل كبير بين الناس ووفاة صديقة لها نتيجة لهذا الحسد.

وعلقت على الفيديو قائلة : "الواحد بيبقى عامل زي الخروف.. معزة.. خروف داخل يتدبح.. يارب يا كريم.. يارب يا وفاء يرحمك.. يارب".

وروت خلال الفيديو حدث وقع معها معلقةً: "واحدة معرفة اتصلت بيا فا مردتش عليها.. راحت بعتالي رسالة بتعاتبني.. فقلت لها معلش مش قادرة أتكلم لما أقدر هكلمك.. راحت ردت عليا قالت لي آه مانتي مشغولة صحيح كل يوم في بلد وبتتفسحي".

وفاة صديقة بسمة وهبة

وأضافت: "عاوزة أقولها هي واللي زيها إن أي صورة على السوشيال ميديا حلوة وراها أوقات وحشة.. وأي صورة فيها سعادة وراها أوقات تعاسة وألم.. صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة لأن صاحبتي ماتت قبلها بيومين".

وأكملت بسمة وهبة: "طيب حتى وأنا في البنج وتعبانة حزينة عليها وبدعيلها وممكن أكون مسافرة أتعالج مش أتفسح.. بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش.. يعني أحب اقولك انتي واللي زيك ربنا ما يحكم عليكي يا بنتي باللي في الواحد واحمدي ربنا إنك مش مضطره تسافري عشان تلاقي حل لمرض نادر".

واختتمت "من فضلكم ارحمونا وسيبونا في حالنا أنا صاحبتي وفاء ماتت من الحسد".