امرأة تطلب النصيحة لخطف زوج صديقتها.. وتعليقات نارية

كتبت امرأة منشورًا في إحدى صفحات موقع التواصل الاجتماعي "فيس بوك"، تريد الحصول على آراء الآخرين لمساعدتها في الوصول للشخص الذي تحبه، ولكن كانت المفاجأة أن هذا الشخص زوج صديقتها، وهو ما دفع رواد الفيس بوك لمهاجمتها.

وقالت المرأة في منشورها: "أنا في واحدة صديقتي تزوجت من فتره من الزمن وبصراحة استلطفت زوجها وبعدين أعجبت به (وعندي الأسباب اللي تخليني أعجب به) ودلوقتي بدأت فعلا أحبه وطول الوقت شاغل تفكيري وبالي وعجزت أطلعه من بالي، حاولت أكثر من مرة بس صديقتي كل مره تحكيلي عنه وتفكرني بيه ومش بحب الخيانة أو إني أخرب حياة أو بيت حد فجبت رقمه وحسابه على الانستا وناوية أكلمه لأن أنا عاوزاه  ونفسي يكون لي كزوج بس مش عارفة إزاي وبأي طريقة أبدأ معاه، بالمقدمة، وخايفة لو فاتحته أنزل من نظره أو يشوفني بنظره أقل، مع العلم أنا عارفه إنه مقتدر ويقدر يتزوجني ويفتح  بيتين وشايفة خير كتير عنده".

وأضافت: "عاوزة  حل بدون بيانات لو سمحتم".

وكانت التعليقات كالآتي: 

كتبت منى: "ياستي ولاهيتجوزك ولا نيلة الرجالة اصلا مبيحبوش الست تعرض عليهم الجواز ومبيحبوش الحاجات السهلة ولا الستات السهلة، ولو جريتي وراه واتجوزك جيالك من المستقبل هيطلقك الراجل  صياد عاوز هوه اللي يجري ويبذل مجهود عشان يوصل للست، فكك اقري قرآن اشغلي نفسك وقفي التفكير فيه تماما، أنا هفكر في ناس مليش دعوه بيها ليه انتي بتحبي علي نفسك".

وعلقت فاطمة: «ياستار يارب ربنا يكفي الناس شرك مستكتره الراجل على صاحبتك، روحى ربنا ينتقم منك أنتى وكل ال زيك بعدله».

بينما قال معتز في تعليق: «لو حضرتك قاصدة يتمسح بيكي الأرض مش هتبعتي كده اصلا.. بس هعتبر أنا إن دي نزوة ومشاعر غصب عنك وهنصحك كبني آدمه محتاجة نصيحة، داوو مرضاكم بالصدقة حضرتك ببساطة شديدة قلبك مريض بحبه ليس إلا و مرض القلب أي انشغاله بشيء أكتر من المعتاد.. جنيه يوميا لأقرب مسجد لحضرتك لمدة شهر كامل بنيه اللهم اشغلني بك عنه وانتهى الأمر وأنا على يقييين إنك هتنسيه تماما إن شاء الله».

وقدمت جيهان نصيحة في تعليق آخر للنساء وقالت: «يارب كل واحدة بتدخل صاحبتها بتها والا تكلمها عن جوزها تفووووووق الصحبات بيسرقوا اجواز بعضيهم والعكس الصحاب بيسرقوا زوجات أصحابهم انتبهوا ايها السادة صاحبي وصاحبك عالقهوة».

وكتبت ندى: «عٌآيَزٍةّ تٌخِطِفُيَ جّوٌزٍهّآ وٌتٌخِربًيَ بًيَتٌهّآ وٌبًتٌسِآلَيَنِآ عٌ آلَطِريَقُةّ يَ جّبًروٌتٌکْ يَ شُيَخِةّ ربًيَ يَکْفُيَهّآ شُرکْ وٌيَنِصّرهّآ عٌلَيَکْيَ  وٌيَ ريَتٌ مًآتٌقُوٌلَيَشُ صّدٍيَقُتٌيَ».

وقال عاطف: «هعتبر أن المشكلة حقيقة، أولا خطأ أي زوجة أنها تحكى عن زوجها لامرأة أخرى والعكس أن زوجته تحكي أمامه عن امرأة اخرى ده الشرع نهى عنه حتى لا يحدث تعلق، النصيحة اتقي الله وابعدى عن الرجل واحفظى حق الصحبة مع صديقتك وتخلصي من اي شعور واطلبي العفاف بطريق سليم هو مجاش قال لحضرتك عاوز اتجوز واعمل بالتعدد».