فن وثقافة

منى فاروق تفتح النار على متابعيها: ليه مركزين في حياتي؟

الإثنين 15/أغسطس/2022 - 09:04 م

بسمة خالد

عبرت الفنانة منى فاروق عبر حسابها على موقع التواصل الاجتماعي وتبادل الصور والفيديوهات "إنستجرام" عن غضبها من تدخل الناس في حياتها وعدم تمني التوفيق والنجاح لها.

كتبت من من خلال خاصية الاستوري: "يلا الاستوري دي اعملها ترند كمان ياللي مش بتخافوا ربنا بجد عندي سؤال مهم ..؟؟ ليه مركزين في حياتي .. ؟ ليه كل حاجة اعملها تطلعوها ترند..؟ ليه مش سايبني في حالي..؟ ليه مش عاوزني أعيش زيكم ..؟ ليه مش عاوزني اشتغل واكبر وأنجح ...؟؟ ليه بتحاسبوني ..؟؟".

وتابعت: "ليه بتحاربوني في رزقي وحياتي ..؟ ليه مستنين ليا اي حاجه عشان تتكلموا عني وعن عرضي وأهلي ..؟ ليه مستكترين عليا أي حاجة حلوة تحصلي ..؟ ليه كل يوم اصحى علي خبر أوحش من اللي قبله ..؟ ليه بتطلعوا شائعات رخيصه عني..؟؟ ليه أنا شغلتكم ...؟؟ ليه بتتكلموا عني بالباطل حتى لو طلعت قولت كلام عادي ...؟ ليه عاوزين بتوجعوني ...؟".

وأضافت: "ليه مش من عاوزني أعيش ...؟ ليه مش بتفكروا في أخرتكم ...؟؟ ليه مش بتفكروا لو ربنا كشف ستره عنكم هيحصل فيكم إيه ..! حسبي الله ونعم الوكيل في كل إنسان بيتكلم في عرضي ويقول شائعات وکل إنسان ربنا ستره دي نعمة مش حاسس بقيمتها عشان مش بتحافظ عليها وحسبي الله في كل إنسان بيكره جمهوري فيا.. ربنا موجود وهينصرني على كل ظالم .. من كان منكم بلا خطيئة فليرمها بحجر دع الخلق للخالق حسبي الله ونعم الوكيل".

كما نشرت عبر حسابها على "إنستجرام" دعوة على من ظلمها وقالت: "دعوة المظلوم.. اللهم أنت حسبي فى من ظلمني.. وأنت حسبى في من أذاني وخذلني.. وأنت حسبى في من قهرني.. فحسبى الله وكفى بالله حسيبًا".

وكانت منى فاروق قد نشرت مقطع فيديو عبر حسابها على "إنستجرام" تطلب فيه الزواج على طريق الفنانة زينات صدقي فى فيلم "عريس مراتي".