احتفالات على السوشيال ميديا برحيل وزير التعليم طارق شوقي

وتباينت التعليقات من أولياء الأمور، على القرار، حيث ينتظر الكثيرون التغييرات التي سوف يقوم بها وزير التربية والتعليم الجديد.

قالت هبة: «طارق شوقي اتغير في التعديل الوزاري الجديد.. ولكن الأمهات تستمر في الصراخ والهجوم على أي وزير تعليم.. لأن من يوم ما وعينا على الدنيا مفيش نظام تعليم الناس راضيين عنه.. مشكلتنا إن الأهالي مش مؤمنين بالفروق الفردية وديما شايفين ولادهم عباقرة بس الوزراء فاشلين».

وقالت أم يوسف: «ربنا يستر برجاء تعديل الثانوية العامة وإلغاء التابلت والبابل شيت والرجوع الأسئلة الطبيعية والتصحيح الورقي العادل ورجوع الكتاب المدرسي والأسئلة تكون منه». 

كما علقت هبة: «يا رب يجعله أحسن منه ويخفف المناهج الزفت على العيال الجديده اللي طالعة سنة خامسه وكل الأجيال».

وقالت أم زياد: «ربنا يستر وما يطلعش أحمد زي الحاج أحمد، إن شاء الله مش هياخد غير دعوات من الناس».

كما علق محمود: «وأخيرااااااااا إقالة وزير التعليم طارق شوقي.. هذا الخبر انتظرنا سماعه طويلا وربنا يستر من قرارات الوزير القادم ويااااارب يكون أفضل من الوزير المخلوع».

وقال كريم: «مفيش وزير هايعجب كل الناس ومافيش مسؤل ها يعجب الكل نرجع بقي لموضوع الحفط مش الفهم».