بشكل نهائي.. توقف واتساب عن العمل على تلك الهواتف
راندا البحيري تنضم لقناة الشمس ببرنامج «the book»
الثلاثاء 09/أغسطس/2022 - 07:55 م
بسمة خالد
كشفت الفنانة راندا البحيري عن انضمامها لقناة الشمس وتقديمها برنامج بعنوان "the book" وصرحت بالتفاصيل كاملة عبر حسابها على موقع التواصل الاجتماعي وتبادل الصور والفيديوهات "إنستجرام".
وقالت راندا: "حبايبي وأصحابي علشان انتو أقرب ناس ليا، حبيت أبلغكم إني مضيت مع قناة الشمس، برنامج جميل جداً اسمه the book الكتاب، فكرة وتنفيذ سيد عبد الرازق وإخراج المحترم محمد چيمي".
وتابعت: "عايزة أشكر السادة القائمين على القناة لأن الفكرة دي فكرة توعوية جميلة هادفة جداً وعلشان قناة تتحمس لإنتاجها يبقي أكيد القناة بتحترم عقل المشاهد.. بحبهم جدًا في قناتي اللي هكون جزء منها ومبسوطة أوي بالتجربة اللي هتبتدي بيكم وليكم وأتمنى أنجح فيها علشانكم برضه".
ويأتي ذلك رداً على الشائعات التي انتشرت عنها مؤخراً بأنها لا تشارك بأعمال فنية ويوجد فراغ في حياتها، حيث ردت على مروجي هذه الشائعات قائلةً: "معرفش إشاعات ايه اللي طالعة اليومين دول اللي بيتقال فيها إني فاضية.. كل ده علشان متفاعلة معاكم على فيس بوك؟ كل ده علشان بشجع الكرة ومتابعاها؟، أمال لو شوفتوني على إنستجرام وبقية المنصات هتقولوا ايه؟".
وتابعت: "عموما أنا مبردش، أنا هخلي الـ 3 أفلام اللي بصورهم يردوا عليكم، يا صفرا يا اللي شاغلة دماغك بيا، موتي بغيظك يا صفرا".
يذكر أن آخر أعمال الفنانة راندا البحيري مسرحية "الجريمة" التي تم عرضها لمدة 10 أيام على مسرح النهار بالقصر العيني، تحت رعاية الدكتور أشرف زكي، والذي وجهت له رسالة قائلة: "دايما في ضهرنا يا دكتور ودايما سند لينا.. مسرح الجريمة الحمد لله نجاح كبير جدًا، إنتاج نقابة المهن التمثيلية بمسرح النهار بالقصر العيني بجوار كلية صيدلة إخراج المبدع محمد علام".
اقرأ أيضًا..
