«لو ابنك مجابش مجموع».. اتبع هذه النصائح واحذر التوبيخ

وقدم أحمد يسري، استشاري العلاقات والصحة النفسية، نصائح للآباء فيما يخص التعامل مع الأبناء بعد نتيجة الثانوية العامة، وقال: «ابني لو جاب مجموع وحش هقوله مبروك أنا عارف إنك تعبت وعملت اللي تقدر عليه، والنجاح في الدنيا مش بالمجموع النجاح بالوصول لحلمك في إنك يبقى ليك شأن كبير».

ونصح يسري، الآباء بالتعامل باللين مع الأبناء، وتابع: «محمد صلاح منجحش في التعليم لكن بقى قدوة للدكاترة والمهندسين اللي جابوا ٩٩% وبيتمنوا يكونوا في مكانته، ابني مينفعش أكسره ولا أقسو عليه بكلام يحطمه وهو لسه بيبدأ حياته لأني أبوه وهفضل داعم ليه مهما فشل أو وقع لحد ماينجح».

وأضاف: «ابنك لو جاب مجموع قليل قوله مبروك من غير تقطيم وعقاب لأن عقابك مش هيصلح حاجة، اللي حصل حصل خلاص، يمكن ابنك في يوم من الأيام يبقى حاجة كبيرة المجموع في الثانوية مش مقياس النجاح في الدنيا ده مجرد خطوة صغيرة وسط خطوات كتيرة لسه جاية،

في ناس فشلوا دراسيًا ولكن أصبحوا علماء زي اينشتاين واديسون، وفي ناس فشلوا دراسيًا وأصبحوا أثرياء زي بيل جيتس ومارك مؤسس الفيس بوك».

وختم استشاري العلاقات والصحة النفسية قائلا: «النجاح مش بيبدأ من الشهادة، النجاح بيبدأ من عقليتك أنت وإرادتك وسعيك وراء حلمك ووصولك ليه».