إيمي تاتو تُشعل الجدل مجددًا: اشتريت الهوا بفلوسي.. ومدورة 92 راجل

عادت خبيرة التجميل إيمي تاتو لإثارة الجدل، بتصريحات جديدة لها عقب قرار هيئة المكتب بالمجلس الأعلى لتنظيم الإعلام بوقف برنامجها على قناة الشمس، بعد أن تلقى المجلس شكاوى كثيرة حول خرق البرنامج للأكواد الإعلامية، ومخالفة شروط الترخيص الصادر للقناة، وتحويل المسئول القانوني للتحقيق في المخالفات المنسوبة للقناة.

وخرجت إيمي تاتو في بث مباشر عبر صفحتها الشخصية على "فيسبوك" وقالت: "أنا اشتريت هوا بفلوسي وشقايا وطلعت بيه والقناة دي مش كويسة، وأنا بدأت من تحت الصفر ومكنش عندي معلقة دهب".

وعن منتقديها قالت إيمي تاتو: "مش ذنبي إنك عاطلة أو عاطل قاعدين في البيت، أنا شقيت وتعبت، أنا اشتريت ظهوري على التلفزيون بفلوسي وشقايا، وكان هدفي تقديم عروض من خلال برنامجي لإظهار جمال سيدات مصر وذلك من خلال التواصل مع أطباء التجميل واللي كانوا هيقدموا تخفيضات من خلال برنامجي".

واختتمت: "أنا مش هسمي وأقول مين بس فيه ناس كانت ممسوكة في قضايا مخلة بالشرف، وشغالين في الإعلام، وناس كتير على التيك توك وشغالة في الإعلام، وناس معرفش بتشتغل إيه وبتاخد أم مثالية معرفش من أنهي اتجاه، وأنا في الآخر مقعدتش في بيتي أنا بدور على لقمة عيشي، ومدورة 92 راجل وكله بالأدب والذوق".

كما سبقت وعلقت خبيرة التجميل إيمي تاتو على ما حدث معها وذلك في منشور عبر حسابها الشخصي على "فيسبوك"، حيث كتبت: "الحمد لله والفضل كله لله قدر الله وما شاء فعل.. أنا بصراحة مش عارفة ليه حصل غضب على السوشيال ميديا، وخصوصا عند بعض الإعلاميين، وخصوصا المبتدئين، الموضوع أخد أكبر من حجمه، الموضوع كله كان فقرة في برنامج بتقدمه مذيعة أصلاً، اكتمال الموضوع أو نهيه ولا فرق معايا".

وتابعت: "أنا قبلته بناءً على طلب كثير من السيدات عن عرض بعض المعلومات والتجارب اللي تخص جمال المرأة وعلاقتها بالشعر والبشرة والتاتو.. أنا اتعرض عليه كتير من التمثيل والظهور في برامج وحلقات خاصة وعرض قصة حياتي وعلى طول برفض لأني فعلا تركيزي كله على شغلي"، مشيرة إلى أن هذا البرنامج الوحيد الذي قبلته لأنه يهتم بالمرأة، واعتبرته "كدردشة" مع متابعيها.

وشددت إيمي تاتو على أنها ترفض اقتحام عالم التمثيل قائلة: "أنا أرفض دخولي في التمثيل مع إن كتير شجعني إني أقبل، وبرفض استغل بيدجاتي لأي نوع من الترويج أو زيادة الرتش، وكل شغلي تاتوهات والمطبخ كحب دردشة معاكم وليس أكتر.. مع احترامي طبعا لقناة الشمس وغيرها أنا أقدر على بيدج واحد من بيدجاتي مع أحلى فانز أوصلهم اللي أنا عايزاه وتحت أمرهم في أي استفسار".

واختتمت: "هناك العديد من الإعلاميين المحترمين ومن النقابة ومن أعضاء التمثيل بوجه لهم الشكر، وأحب أوصل معلومة خصوصا للإعلاميين المبتدئين اللي شنوا الهجوم وغيرهم.. حب الناس مش بيشترى بالفلوس، حب الناس ده من عند الله ولا بالشهادات ولا التدريبات، وأنا حب الناس ليا تسوى كنوز الدنيا".