ظهور إيمي تاتو كمذيعة يُشعل غضب السوشيال ميديا.. وتعليقات قاسية

أثار ظهور إيمي تاتو، التي تعمل في مجال التجميل، كمذيعة على شاشات التلفزيون غضب رواد مواقع التواصل الاجتماعي، وذلك بعد إعلان "قناة الشمس" عن تقديم إيمي تاتو برنامج يحمل اسم "ضي القمر".

وأعلنت القناة عن تقديم ايمي تاتو برنامجا يُعرض الأحد من كل أسبوع في السابعة ونصف مساءً، تناقش من خلاله كل القضايا الجمالية التي تخص المرأة.

وكانت تعليقات رواد مواقع التواصل الاجتماعي الغاضبة كالآتي:

كتبت سلمى في منشور: "طيب هنقول ايه لطلبة وخريجي كليات الإعلام وهم شايفين إيمي تاتو بقت مذيعة؟".

ومن جانبه كتب مصطفى: «دي الأستاذة ايمي تاتو دي اللي بفلوسها بقت إعلامية دي اللي حتظهر على الشاشة وتعلمنا الفن والذوق والادب دي اللي قعدت على الكرسي اللي قعدت عليه ليلي رستم وأماني ناشد ونجوى إبراهيم وسناء منصور وهمت مصطفى وسامية الإتربي وسلوى حجازي وغيرهن من نجمات الإعلام المصري العظيم، دي اللي الزمن الجديد بلانا بيها دي اللي المجلس الأعلى للإعلام ساكت وصامت وأعمى عن اتخاذ أي قرار لوقفها ووقف أمثالها، دي اللي حتكون الأستاذة الإعلامية الكبيرة دي ملخص المصيبة اللي عايشينها دي الكارثة اللي بتكمل كوارث كتيرة يوم ما إعلامنا بقى باللي معاه فلوس وبس مين ممكن يلحقنا مين ممكن ينقذنا ولا خلاص نقول عليه العوض ؟؟؟؟؟».

كما علقت وفاء ساخرة: «قولهم اللي عنده تاتو أحسن من اللي المذاكرة طلعت عينه وعين اللي جابوه».

وقالت سحر: «ولا دراسة ولا تدريبات ولا موهبة، عادي بفلوسها اشترت برنامج تقدم في المحتوي بتعها إنما إحنا كخرجين متفهمين الأكتر من كدا إن هي هتمارسه العمل الإعلامي لمدة 3 شهور وتبقى عضوه في النقابة أما إحنا لنا الله وكفي بالله وكيلا».

وقالت سمر: «الإعلام رسالة، والمذيعة اللي بتظهر على الشاشة لازم تكون دارسة إعلام، مش المفروض المشاهد يشوف حد يقتحم الشاشة ويدخل بأسلوبه وطريقته البيت المصري لمجرد إن هو عنده فلوس أو معاه واسطة، رجعوا كل حاجه لأصلها الصح عشان المجتمع يتصلح حاله».

كما علقت نجوى: «ياخساره على خريجي الإعلام المتخصصين قاعدين في البيت والوسايط والفلوس هم اللي شغالين في التليفزيون ويقدموا برامج تافهة لأنهم غير مؤهلين».