صورة| بـ«وجه محروق».. ندى الكامل تُثير فزع متابعيها

شاركت ندى الكامل، طليقة الفنان أحمد الفيشاوي صورة لها عبر موقع التواصل الاجتماعي وتبادل الصور "إنستجرام"، أثارت من خلالها فزع جمهورها. 

وظهر على وجه ندى الكامل في الصورة علامات حرق شديد، ما أثار القلق عليها من قبل متابعيها، حيث علقت عليها: "من شر ناظر إذا نظر ومن شر ماكر إذا مكر".

وفي سياق آخر كان يراود ندى الكثير من الشائعات حول ارتباطها بالمطرب عمر كمال، وذلك بسبب تشابه أظافرها مع الصورة التي نشرها عمر كمال مع خطيبته وكان وجهها مخفيا فضلًا عن النظارات. 

ولكن عمر كمال خرج عن صمته ليخمد هذه الشائعات وأوضح أن هذه أنباء عارية من الصحة تماما، قائلاً: "في مذيع بيسألني قبل لقائي معه في سوريا إيه يا فنان مش مبسوط ليه، قولتله اللي بحبها حصل بيننا خلاف من يومين وبحبها جدًا وعايز أرجعها.. وكان ده بره الهوا، وقلتله مينزلش ونزله، وبعدها المواقع بقت تتداول الفيديو وحطين صورة شيماء مغربي وهي إنسانة مخطوبة واللي بيننا أغنية فيها لفلفلة، طب خطيبها منظره قدام أهله وصحابه إيه؟ محدش كلمني ولا وجهلي أي حاجة.. مبتفكروش في الناس".

وتابع موضحاً علاقته بالفنانات اللاتي جمعهن معه عمل فني قائلاً: "وإيه ندى الكامل دي كمان، أنا لما أحب أصرح بحاجة هقول، أنا مبحبش أطلع تريند ببنات خالص.. وشيماء المغربي كانت أغنية وأنا مالي بسمية الخشاب دي واحدة جت دقت بابي عايزة تعمل أغنية وقولتلها عشان تنجح لازم شروط وهي معملتهاش فراحت في حتة تانية.. أنا بشتغل بشغلي بترينداتي مش بحريم.. وسمعة الناس حاجة مهمة هتتسألوا عليها".

واختتم حديثه: "اللي بيحصل ده قلة ذوق، وأنا مش بطلع أعمل فيديوهات عمال على بطال واللي بتقولوا عليه بنفذه.. ومش أنا اللي بطلع تريند بحريم أنا بطلع بشغلي ومجهودي".