بملعقة واحدة.. 6 فوائد للعسل تحدث في جسمك لن تصدقيها.. ما هي؟
في ليلة «سقوط القايمة».. التريند يُشعل سخرية السوشيال ميديا
الأربعاء 27/يوليه/2022 - 08:29 م
ساندي جرجس
صعد تريند على مواقع التواصل الاجتماعي، تحت عنوان "سقوط القايمة في مصر" وانتشر بشدة، ما أثار الجدل بين الشباب والفتيات، حيث قام كل منهم بنشر صور وترك تعليقات ما بين سخرية واعتراض على الأمر.
ونشرت بعض الفتيات منشورات تدل على السخرية من تلك الفكرة، حيث كتبت أمنية: "يعنى أطقم الحلل والملايات والفوط اللي عندي دول أمي هتشيلهم لاخواتي الصبيان؟".
وكتبت إحداهن: "بعد قرار إسقاط القايمة في مصر، والعريس هيجيب كل قشاية من الإبرة للصاروخ، أنا وأنا رايحة أبيع طقمين الحلل واطلع مصيف"، مع إضافة صورة مضحكة.
ونشرت فتاة أخرى: "الشباب كانوا بيقعدو على القهوة يتكلموا فى الكورة ويلعبوا دومينو، الشباب لما يقعدوا على القهوة بعد قرار إلغاء القايمة: "لسه جايب حلة تيفال قد كده يا رجالة!".
كما علقت شيماء : «أنا صحيت لقيت خبر بيقول سقوط القائمة في مصر هما كانوا عاملين مظاهرات ولا ايه».
وقالت نورهان: "يا سلام هيرجع الراجل لطاقته الذكورية، أخيرا ويحس بالمسؤولية وإن هو اللي مطالب بالبيت والتجهيز وكل حاجة".
بينما علق محمود: "أصلا العروسة ملهاش إنها تجهز أي حاجة شرعا، كله على العريس وعلى العريس أن يقتصد".
وقالت هايدي: "يلا أحسن إيه للعروسة تجبلها حلتين وطبقين وبطانيتين وملايه وهو يجيب العفش".
وعلق ماجد: "يعني إيه إلغاء القايمة؟ هي من شروط الجواز ولا إيه؟؟؟ غير كده الدولة لا ليها إنها تلغي أو تأكد ملهاش عندنا غير ورقة الجواز وأجرة المأذون".
وقال إسلام: "هي القايمة مش في الشرع عشان تنزل وتتلغي، إحنا اللى بنعمل كده الست ليها مهرها ودة في الشرع ومش عشان الفرش كمان إحنا اللى بنحب نجود".
اقرأ أيضًا..
