«الدم أصبح ماءً».. مطلقة تُثير تعاطف مواقع التواصل بقصة مأساوية

وكتبت تلك الزوجة في منشورها: "اتجوزت فترة بسيطة وجوزي طلقني وهو مسافر بره مصر، وكان معايا ولد عمره شهرين، معرفش إيه السبب، اللي عرفته بعدين إنه عرف بنت من جنسية عربية، استعوضت ربنا واتقيت ربنا وبقيت ابعتله صور الولد لحد ما كمل سنتين وعرفت إمبارح بالصدفة إنه نزل إجازة بقاله شهر ومجاش يشوف الولد، بعتله أفهم ليه قالي لا مش عاوز أشوفه حتى المصاريف أنا مش مطالب بيها، أولاد إخواتي ماليين عليا حياتي، متخيلين قالي كده؟!».

قالت رانيا: "اعتبريه مات وأنتِ وابنك خصماء له يوم العرض العظيم، ادعي اللهم اجرني في مصيبتي واخلف عليا خير منها، هو استغنى بالسهل أنت كمان انسي وربنا يعوضك خير ويقويكي على تربيته».

وعلقت إيمان: «لما فلوسه تخلص هيرموه وهيرجع لابنه هيكون ابنه عوده اشتد وهو ضهره انحنى وتلك الأيام نداولها بين الناس، استعوضي ربنا وادعي اللهم أجرني في مصيبتي واخلفني خيرا منها، واستني العوض الجميل من رب العباد».

وقالت إيمي: "بصي أنا اعتبرته مات، أنا ساب بنته يوم ولادتها حتة لحمة متعرفهوش ولحد الآن 15 سنة ولا تعرفه ولا يعرفها، أنا المسؤولة في كل حاجة عنها، واشتغلت وثبت نفسي وخلتها عروسه وربنا يقدرني على اللي فاضل مع العلم أنا 36 سنة، اجمدي وماتحاوليش تكلميه تاني ولا تبعتي صور ابنك وربنا يقويكي ويعينك على تربيته".

وأضافت: "لأن المشكله إنهم لاغين شخصيتهم ومسلمنها لأمهاتهم وإخوانهم عشان مايصرفوش، حسبني كتييييير وربنا بيردلك حقك والله عن تجربه والله ربنا منتقم مقتدر جبار، ويوم العرض العظيم هتجتمع الخصوم".

بينما قالت وسام: «لا حول ولا قوة إلا بالله العلي العظيم بكره يتحوج لابنه ربنا المنتقم منه وربنا يراضيكي ويجبر بخاطرك انتي وابنك».

وعلقت منى: «(ويل للقاسية قلوبهم) بالنسبة لطليقك فهو بيسقي أرض غير أرضه فخير الأرض ديه اللي هما ولاد إخواته حيبقوا لغيره محدش فيهم حيحن عليه لما يكبر ويضعف ويبقي فعلا محتاجهم لكن أنتي انتظري عوض ربنا في ابنك قادر رب قدير يجعله ابن بار بيكي ويجعله سندك في الدنيا وعوض ربنا الجميل ليكي».

كما قالت سها: «ده حيوان لأن ربنا ميز الإنسان بلين القلب والعقل عن الحيوان وعند الله تجتمع الخصوم احتسبي عند الله».