بشكل نهائي.. توقف واتساب عن العمل على تلك الهواتف
فتاة تسأل: «إزاي نتجاوز إننا بنكبر من غير إنجاز» والتعليقات: «بالرضا والسعي»
الأربعاء 20/يوليه/2022 - 08:59 م
بسمة خالد
سادت حالة من الحزن وجلد الذات على إحدى الفتيات في منشور شاركته عبر موقع التواصل الاجتماعي"الفيسبوك" لتتوالى التعليقات التي تعبر عن أهمية الرضا والسعي حيث طرحت سؤال بعنوان "بنتجاوز ازاي سننا اللي بيكبر و عمرنا اللي بيعدي من غير اي انجاز ؟!".
فردت أحدهم قائلة
"حبيبتي الانجاز انك تيجي اخر يوم تلاقي نفسك مصليه كل الفروض وقضيتي روتين عملتيه من الاستغفار والذكر في الاول وفي الاخر احنا جااايين الدنيا وهفدنا الأساسي هو علاقتنا بربنا صدقيني حتي لو معلتيش انجاز دنيوي ده هيريح قلبك جدا".
نيجي بقي لإنجاز الدنيا ملوش سن معين مهما كبرتي تقدري تبداي بس لازم تحطي هدف الاول تمشي عليه وتعملي روتين تمشي عليه عشان توصلي للهدف ان شاء الله تحققي كل اللي بتتمنيه " .
وذكرت أخرى: "انا شايفه طول ما انتي راضيه عن نفسك او راضيه في لانتي فيه مش مهم الانجاز طظ فيه عشان لو طلعتي القمر ومش راضيه او مبسوطه مش هتحسي بالانجاز وعمر ما كان الانجاز بسنك قد ايه".
وقالت أحدهم
"احنا اللي حاطين في دماغنا فكرة ان الوقت بيجري و احنا مش بنعمل حاجة ... مش هننكر ان فيه حاجات ليها وقتها و لكن برضو الحياة مش بتقف في وقت معين او الي هو انا كبرت مش هحقق حاجة حاولي متمشيش بالمبدأ دا".
ثم عبرت دنيا "بالرضا كل حاجه بتعمليها ف يومك انجاز متقارنيش حياتك بحياه حد .. اليوم اللي يعدي وانتي بالك رايق انجاز طبطبتك لحد انجاز كل حاجه بتعمليها إنجاز "
وعلقت شهد
"بدل م نفضل نعيط ونندب بنشتغل على نفسنا مرة واتنين ومليون لغاية ما نحقق الانجاز محدش بينجح من اول مرة بس الحوار وما فيه هو سعى".
اقرأ أيضًا..
