زوج يحكي «ضربتها وطردتها وعايزة ترجعلي بشروط وأنا مش موافق» والتعليقات: «لو أختي هساويك بالأرض»

مشكلة رجل أثارت الجدل على صفحات الفيس بوك، حيث نشر على إحدى الجروبات الخاصة بالمشاكل الاجتماعية بوست يقول فيه، أنه يضرب زوجته من أول شهر في زواجهما، وبعد طردها حاول إرجاعها ولكن وضع أهلها شروط لا يوافق عليها.. 

مشكلة تُثير الجدل على فيسبوك

قال رجل، دون ذكر هويته، على أحد المجموعات على فيسبوك، قائلا: "أنا متجوز من ٣سنين ومعايه ولد وأنا بصراحه بضرب مراتي من أول شهر في الجواز وراحو عملو فيا محضر بسبب اني طردها ودلوقتي عاوز ارجعها". 

واستكمل: "هي رضيت رغم كل للي حصل من ضرب وقسوة عليها مني، بس شارطين انهم يخدو عليا ورق بي انو لو حصل حاجه تاخد قيمتها ويبقا في نفقة وانا رافض واهلي قالولي لا مينفعش". 

الراجل ما يمدش إيده على واحدة ست

وجاءت التعليقات على البوست، حيث ردت إحدى السيدات وقالت " اهلك قالوا لك ما ينفعش بينك و بين مراتك يبقى فى ورق بس نسيوا يعلموك ان الراجل مايمدش ايده على واحده ست ؟!!!! برافو عليك وعلى أهلك ونعم التربيه".

وقالت أخرى: "بلاش مراتك خليها اختك وحصل فيها كده كنت هتعمل مع جوزها ايه". 

وعلق رجل عليه قائلا: "طالما ردك على الخلافات هوا الضرب يبقى الناس معملتش كده طمع بس أنا لو أختى اللى اتعمل معاها كده هساويك بالأرض،  ومش هترجعلك حتى لو عملت ايه، وصدقنى لو هتحترمها عشان واخدين عليك ورق يبقى انت فيك حاجه غلط".

وقال آخر: "حقهم عشان إنت مصونتش الأمانة".

اقرأ أيضًا..

«متجوزة جديد وبنتخانق مين ينام جنب الحيط» والتعليقات: «اعملوا خط في النص»