بكتيريا إي كولاي.. ما أسباب الإصابة بالإشريكية القولونية وطرق علاجها؟
نساء الفيسبوك: «بتتعاملي إزاي مع أخت الزوج».. ندى: «اتطلقت بسببها» وريهام: «ادعي عليها»
السبت 19/مارس/2022 - 02:01 ص
ساندي جرجس
تطرح النساء حاليًا جميع مشاكلها على موقع التواصل الاجتماعي "فيس بوك"، سواء مشاكل تتعلق بجمالها أو صحتها أو مشاكل أسرية تحتاج فيها للنصيحة من الأخريات أو حتى لمجرد الفضفصة.
وكانت أبرز مشاكل النساء على "فيس بوك" اليوم، مشكلة امرأة تعاني من حقد وكره أخوات زوجها؛ ولذلك كتبت على أحد جروبات النساء: «كيف أتعامل مع أخوات زوجي اللي بيكرهوني، خصوصا لو الزوج مالوش اي رد فعل ولا بيدافع عنك».
التعليقات
وكانت التعليقات مؤثرة بشكل كبير وتدل على معاناة الكثير من النساء أيضاً من نفس تلك المشكلة، حيث قالت دعاء: «التجاهل التام والاقتصار الحدود حلوة جدا مع كل الناس».
بينما نصحتها هاجر قائلة: «ادعيلها ربنا يهديها ويصلح حالها .. كله عند ربنا ولا تضايقي نفسك».
فوضي أمرك لله
وقالت ريهام في تعليق: «زي أي حاجة انتي بتقفي قصادها وتقولي يارب أنا مليش حيلة فوضت أمري ليك سيبيهم لله مفيش أعدل من ربنا في أخذ الحقوق».
وعلقت سهام قائلة: «ما تتعامليش معاهم أصلا وخليكي في حالك طبعًا وكبري دماغك والباب اللي يجيلك منه الريح اقفليه وبس وما دخليش جوزك لأنه هما إخواته وانتي مراته فخليه بعيد أحسن».
اقرأ أيضًا..
تدخلات أهل الزوج
وقالت ندى في أحد التعليقات: «اتطلقت عشان أخلص من أذيتها بس والله لو انتى أعلى منها مش هتسيبك في حالك ولو جوزك مالوش شخصية هتبقى هي دى الكارثة فعلاً».
وعلقت نورهان: «بوست في الجون والله، الواحد جديد في الأمور دي وبجد تدخلات وتحشير اللي هو أهلي مش بيدخلوا في قرار ودول حاسة هيبقوا في الحمام معايا»
وعلقت ندى: «فوضي أمرك لربنا صدقيني حقك هيجيلك والضعف وطنشيهم أكنهم مش موجودين».
بينما قالت ياسمين: «ولا يكون في دماغك حاجة خالص كأنهم مش موجودين في الكون وكبرى دماغك انتي اللي هتكسبي راحتك».
وعلقت رنا: «تجنبيهم واعملي نفسك مش شايفة أو مش سامعة لو متعمدين يغيظوكي اللي هو أنا ساذجة جداً هيتفرسوا من غبائك».
