بقلم ميسون الدخيل: تعلمت
توافقي تتجوزي مع حماتك في شقة واحدة؟.. البنات ردت بإيه على السوشيال
الثلاثاء 15/فبراير/2022 - 02:00 م
ساندي جرجس
طرحت إحدى الفتيات مشكلتها على جروبات للنساء بموقع التواصل الاجتماعي "فيس بوك" لتحصل على آراء الأخريات ومساعدتهن لها في اتخاذ قرار، ولكن كان سؤالها يناقش قضية في مجتمعنا تخص النساء المتزوجات وعلاقتها مع الحموات، وهل في هذا العصر يمكن أن تقبل الزوجة أن تعيش مع الحماة في منزل واحد؟!
وقالت الفتاة في منشورها: «إية رأي البنات لو اتعرض عليكي تتجوزي مع حماتك وحماكي ف نفس الشقة، متقدم حد كويس بس هو وحيد ف عايزين بدل ما نجيب شقة جديدة نحط فلوسها للمستقبل ونعيش مع مامته ف الشقة».
تعليقات جاءت بالرفض
وكانت التعليقات جميعها ترفض المبدأ وتحذر الفتاة من الإقدام على مثل تلك الخطوة، حيث قال بسنت: «بصي الحوار كله إنك مش هتعرفي تكوني براحتك ولا هيكون ليكي أي خصوصية بس فهماني ف حتى لو هتقعدي ف إيجار قديم أرحم وهتكوني براحتك أكتر».
وعلقت هبة قائلة: «لا طبعا لازم يبقي ليكي بيتك وحياتك وتفرشيه على ذوقك صعب إنك تعيشي مع حد بالذات وإنتي لسه عروسة».
وقالت غادة: «لا طبعا إوعي عمرك ما هتستقلي أبدًا وأما تخلفي مش هتعرفي تربي وتعملي بمزاجك كل واحد هيكونله رأي وكلمة وحريتك الشخصية تنامي تصحي تاكلي كل ده مفيش محدش هيتعب غيرك وهتندمي جد كل واحد يستقل بحياته أحسن وخدي شقة قريبة منهم وروحي زي ما تتفقوا وتحبي حتى لو هتقضي اليوم كله لو ده بالنسبالك تمام».
اقرأ أيضًا..
وقالت مريم في تعليق آخر: «كده مامتو وهو اللي هيعيشو وانتي هتبقي ضيفة مفيش أي خصوصية لو حتى حماتك ملاك افتكري إن في تصرفات مامتك بتعملها بتبقى مضايقه ساعات لكن ده ابنه الدلوعة وبالنسبة لعيالك مش هتعرفي تربي البعيد حبيب ممكن تسكني لو بعده بشارع لكن يبقى ليكي شقة مستقلة».
