بالصور.. وزير التموين يفتتح سوق اليوم الواحد في حلوان
هدايا عيد الحب.. بوكس ورد ودبدوب وشيكولاتة
الجمعة 11/فبراير/2022 - 03:13 ص
عزة ذكي
عيد الحب هو مناسبة للتعبير عن الحب والمشاعر بين الأزواج والمخطوبين والحبايب، ويحرص الجميع على شراء الهدايا للشريك للتعبير عن الحب.
وتستعرض بوابة «هير نيوز»، أيقونات هدايا عيد الحب.. بوكس" ورد ودبدوب وشيكولاتة" من خلال بائعي الهدايا.
يقول هاني علي، بائع هدايا، إن المخطوبين أكثر إقبالا على شراء الهدايا، ويمكن أن يشتروا بوكس فيه أشياء كثيرة مثل الورود المجففة والشيكولاتة والدبدوب والإكسسوارات،" البنات والولاد المخطوبين هما أكثر إقبالا على شراء الهدايا وبقة البوكس دلوقتي هو السائد في 2022 ، البوكس ممكن يكون عبارة عن علبة شكلها شيك بداخلها دبدوب، شيكولاته وورود، وساعة مثلا أو انسيال شيك أو نظارة لطيفة، والبنات بتتبسط أوي".
بينما تؤكد يسر محمود، بائعة هدايا هاند ميد، على أن هناك الكثير من الفئات لا يعنيهم الورود والشيكولاته، بقدر ما يعنيهم تلبية احتياجات الشريك: "في بنات بتشوف خطيبهم أو زوجهم أو حبيبهم ناقصه ايه وبتشتريه، يعني مثلا ممكن ساعة، نظارة، وقلم، أو شراء ملابس زي قميص وكرافت، الظروف الاقتصادية الصعبة خلت الناس تنسى الورد والشيكولاته وبتدور على احتياجات الشريك خاصة المتزوجين".
وتشير حلا ياسر، مصممة هدايا، أن هناك إقبالا على الكروت الرومانسية: "في بنات وستات بيكتفوا يجيبوا كارت ويكتبوا عليه عبارات رومانسية مع بالون طاير أو قلب أحمر علشان التكلفة، وفي ستات متزوجة بتيجي تاخد حاجات بسيطة زي ساعة مثلا، حذاء، ميداليا".
اقرأ أيضًا..
