النائبة أميرة العادلي بعد صورتها المثيرة للجدل: «أنا حرة في عالم حر»

أثارت صورة النائبة أميرة العادلي، عضو مجلس النواب عن تنسيقية شباب الأحزاب والسياسيين، جدلا وانتقادات واسعة، بعدما ظهرت فيها وهي تدخن أثناء حضورها مباراة منتخب مصر ونظيره الكاميرون في قبل نهائي بطولة أمم أفريقيا أمس.

وقالت أميرة العادلي إنها تدخن السجائر منذ سنوات، وأنها لم تتضايق من انتشار صورتها بـ "السيجارة".

 أميرة العادلي: أيوة دي صورتي 

وقالت النائبة أميرة العادلي، من خلال "بوست" نشرته على صفحتها الشخصية بموقع التواصل الاجتماعي "فيس بوك": "طيب عشان نخلص من القصة والرسايل الكثير، ايوة دي صورتي، ومش مضايقة ولا مهتمة بالموضوع".

وأضافت: "أنا بشرب سجاير ومن سنين بطلت أعدها ومش مخبيه ده أصلا، ومش هابطل السجاير واكون انسان جديد، عشان انا بحب أدخن، عادة صحية سيئة بس بحبها، زي اللي بيحب الأكل الدسم كده بيتخن وغلط على الصحة بس بيحبه".

وتابعت عضو مجلس النواب: "ببساطة مواطن مصري زملكاوي بيشجع كورة من الطفوله ويحضر ماتشات فريقه ومنتخب بلده دايما في الدرجة التالته مش المقصورة ولا الدرجة الأولي.. بيفرح ويعيط ويتعصب ويزعق ويطنط ويهتف ويغني وبيأكل ويشرب ويدخن سجابر عادي جدا".

واختتمت أميرة العادلي: "معلوماتي إن علب السجاير مكتوب عليها لا تباع لأقل من 18سنة. بغض النظر عن نوعه أو شغلانته أو ديانته، والتدخين ضار جدا بالصحة ومانصحش حد يدخن، غير كده، انا بدخن وبحب أدخن، وانا حرة في عالم حر، فا نفكنا بقي من الكلام الاهبل ده، ونشجع منتخبنا يوم الأحد، وإن شاء الله الأبطال يرجعوا بالتامنة ويفرحوا مصر كلها".