بمكونات سهلة كيفية تحضير الزبدة الفلاحي في المنزل
هل يؤثر فرق التعليم على العلاقة بين الأزواج؟.. اعرفي رأي البنات
الأحد 16/يناير/2022 - 03:59 م
ساندي جرجس
يتسبب الفرق في مستوى التعليم والمؤهل فشل الكثير من الزيجات؛ حيث ترفض الفتاة الزواج من رجل يكون أقل منها في التعليم وأحياناً يرفض الرجل الزواج من امرأة أقل منه في المستوى التعليمي.
ولكن هل بالفعل الفتيات ترى أن تلك المشكلة لا يجب أن تتخطاها وتقبل بمن هو أقل منها في التعليم؟ طرحت ذلك السؤال فتاة على إحدى جروبات البنات بمواقع التواصل الاجتماعي "فيس بوك"، وكانت الردود كالآتي:
هيفض عنده نقص
أجابت ميرنا: «لا ما ينفعش هيفضل عنده نقص وهي عندها تعالٍ ومستوى التفكير هيفرق جدا وكمان هيفرق مع أولادهم جدا جدا».
بينما علقت مريهام: «أنا صعبان عليا كل اللي متمسكين بشهادة ولا تعليم الراجل لان يوم ما هيتقفل عليكم باب واحد مش هتعوزى منه غير الاصول والمعاملة بما يرضي الله».
عقدة النقص
وقالت دينا في تعليق آخر: «أنا شايفه أن فكرهم هيكون مختلفًا تماما وفي ناس بيبقى عندها عقدة نقص إن مراته أحسن منه وده بيكون داخلي مش بيبان».
على حسب شخصيته
وعلقت فاطمة: «على حسب شخصيته في رجاله بيكون عندها نقص وفيه رجاله سويه تخليكي ناجحة ودايما أحسن ويساعدك تكملي ويبقى فخور بيكي كمان. كل واحد ليه شخصية وطبع وتربية مختلفة عن التاني».
اقرأ أيضًا..
وقالت ندى في تعليقها: «والله هو حسب الشخصيه بتاعت الشخص في ناس متعلمة وناس جاهلة في التعامل مع الناس وناس على مستوى أقل في التعليم ومسواهم الفكري والاجتماعي عالي».
وعلقت سارة: «طبعا بيفرق أولا هو نفسه دايما هيحس انه أقل منك وهيعمل مشاكل كتير اوي ثانيا مثلا لو عايزه تدخلي ولادك مدارس انترناشونال وكده مش هينفع ودي حاجه هتداقيك انتي وحاجات تانيه كتير».
لازم يكون فيه توازن
وقالت نورهان: «لا مينفعش خالص مهما كان درجة تفتح الراجل بيبقى من جواه لازم يبقى أعلى من الست وكذلك هي تحب أن يكون راجلها أعلى منها عشان إحنا بطبيعة بشرية معقدة مبنعرفش نتصالح مع الفكرة دي أبدًا وحضرتك بتفكري فيها أساسا من دلوقتى كلية قمة أو غيره من الطبيعي يبقى فيه توازن في جوانب العلاقة عشان الأمور تمشى».
