كشفت الفنانة مايا دياب عن بعض الأسرار في حياتها، من خلال حلولها ضيفة على برنامج "بصراحة مع"، وكانت بصحبة نيللي كريم، على فضائية mbc.

وقالت مايا دياب خلال الحلقة، إنها ترغب في الإنجاب مرة أخرى، ولأجل ذلك قامت بتجميد بويضاتها، وعبرت عن ذلك قائلة: "أنا نفسي أجيب ولاد تاني وسألت بنتي ووافقت، وأنا حاليا بجمد بويضاتي، وبشجع الناس على تجميد البويضات؛ لأن محدش بيعرف الدنيا هتحصل فيها إيه وخصوصًا بعد ما الستات بقت بتشتغل ومعتمدة على نفسها ودا بيخوف الراجل، وبالتالي سن الزواج اتأخر".

عايزة أتجوز تاني

وأضافت:" بجمد بويضاتي عشان إحساس إني بدي فرصة لروح تانية أنها تعيش حتى لما أنا أموت وجسمي يتحلل، وأنا ميهمنيش البنت تتجوز كبيرة ولا صغيرة، أنا مع الزواج الواعي، وأن البنت بقت واعية وقررت أنها تتجوز بكامل إرادتها، وعن نفسي أنا عايزة أتجوز تاني طبعا".

وعن فكرة الزواج المختلط، قالت مايا دياب: "أنا مع فكرة الزواج المختلط جدا؛ لأن دا بيخلي الشخص أنضج وعقله أكبر، وبيساعده يحترم كل الناس، مهما كانت ديانته مسلم أو مسيحي والمهم سلوك الشخص وأخلاقه وليس ديانته".

مايا دياب

وعن حياتها الشخصية، قالت مايا دياب: " أنا مكنتش مطيعة وكنت بكدب كتير على أهلي وكنت بعمل اللي عايزاه ومحبش حد يجبرني على حاجة، والرفض وكلمة لا بيضايقوني، وعشان كدا كنت بكدب كتير وأهلي كمان مكنوش بيدوني الحرية أني أعيش براحتي، ودلوقتي بعمل العكس مع بنتي وبخلي فيه ثقة بيننا وصراحة وبسيبها براحتها".

اقرأ أيضًا..

كيف احتفلت ليلى علوي بعيد ميلاد نيللي وإلهام شاهين؟

دور داليدا

وأعربت مايا دياب أنها تتمنى أن تجسد دور داليدا، نظرًا لحبها الشديد لها، قائلة: "كان حلمي أطلع على التلفزيون وأبقى مشهورة وخلاص، معرفش هعمل إيه بس كنت عايزة وبحلم أكون على التلفزيون وبس، وكنت بتخيل نفسي دايما على التلفزيون، وأنا في الجامعة بدأت الطريق بدري ودا فادني جدا، ونفسي أعمل قصة فيلم عن حياة فنانة مشهورة، مثل داليدا لأني بحبها جدا".