الدكتور أحمد علام يكتب.. النصائح الذهبية للزواج الناجح

1-معرفة الحقوق والواجبات

2-عدم الإكثار من النقد واللوم خصوصا أمام الآخرين

3-التماس الأعذار

4-التجديد مهم جدا عشان ما نشعرش بمرحلة التعود يعنى كل فترة اتجوزوا من جديد, جيب لها هدية حلوة اخرجوا , سافروا اتخلصوا من القيود والروتين.

مع العودة لمرحلة الانجذاب من آن إلى آخر يعنى كنت بابعتلها رسايل حب على الموبايل طيب ما ابعت دلوقتى, كنا بنحب نروح مكان معين طيب ما نروح دلوقتى.

التجديد فى الأماكن, فى الكلمات, فى المفاجآت؛ لأن الزواج بيبدأ بمرحلة الانجذاب ثم التقبل ثم التقدير ثم التعود واى حاجة بتفضل معايا كتير بيحصل بيننا ألفة وبيظهر عدم الاهتمام  ثم انعدام التوازن العاطفي ثم الخروج.

كمان المرأة الأفضل أنها تغير فى شكل البيت بعض الشعوب الأجنبية تقول just for change لأن التغيير عندهم هدف؛ لأنه حاجة مريحة نعمل مع بعض العاب هى تبقى طفلة ومرة هى تحكم عليه انه يطبخ مثلا أو يغسل المواعين لكن بضحك وهزار.

5-قلة العتاب

6-الإكثار من كلمات التقدير للرجل وأحاسيس الاهتمام للمرأة الطريق إلى الرجل معدته مقولة سليمة لكن نضيف لها طريقة تقديم الأكل والاهتمام بالزوج عند الأكل حتى لو لم يكن اكول بتنال تقدير كبير من الازواج

7-الابتسامة وهي ما تسمى السحر الحلال

8-الاعتذار عن الأخطاء

9-لو غضب حد فيهم فالتانى لازم يهدأ لحد ما يخلص وإن كان هذا الأمر واقعيا صعب

10-الضحك مع بعض والهزار واللعب ولنا فى مشكلة كبيرة بيقع فيها المتزوجون وهو عرض مشاكلهم على بعض بصورة يومية فطول الوقت بادخل للطرف الآخر قيم سلبية فوق المشاكل بتاعة كل منهما.

11-لازم اعرف مراتى افهمها ابقى عايز اطلع من الشغل أجرى على البيت عشان اقعد مع مراتى صاحبتى.

12-الحياة الزوجية مش هى اللى بتدينى السعادة أنا اللى بدى الحياة الزوجية السعادة أول لحظة صلاتين ركعتين وكل واحد يدعى للتانى فى وشه

كل اللى انت هاتحطه هتاخده من نفس النوع لو انا عايز انسان يتغير فلازم أكون أنا التغيير لأنك تزوجتيه على كده يبقى هايتغير ليه ؟

الراجل اللى بيضرب مراته معناه أنه وصل للمرحلة القصوى للعلاقة مع زوجته وهو فى أقصى لحظات الضعف ونقوله ازاى ممكن أكون صديق لزوجتي وهي خايفة منى.

13- يفضل لو ينفع كل فترة الزوجة تسيب جوزها 4 او 5 ايام كل كام شهر؛ لأن الرجل عنده نزعة للعزوبية والحرية.

14-الصراحة التامة فى كل المشكلات ومن غير المنطقى أن هناك أمور تستحي الزوجة من أن تحدث فيها زوجها بينما تحدث أصدقائها وأهلها وكذلك الزوج.