طرحت الدكتورة نانسي ماهر؛ خبيرة العلاقات الأسرية ومرحلة المراهقة؛ 5 خطوات لبناء النفس عقب الصدمة، مشيرة إلى تصرف الفنانة شيرين عبدالوهاب، عقب انفصالها عن زوجها وظهورها بعدها وقد أزالت شعرها نهائيًّا.

إياك والاستسلام

أكدت الدكتورة نانسي أن الصدمات وُجدت لتجعلنا أقوى، وأن هذا الأمر ليس من قبيل كلام الإنشاء الذي يقال ولا واقع له، وإنما هو حقيقة ثبت صدقها بالتجارب الواقعية، مضيفة: "ركزي دايماً في إن الضربة اللي متموتش بتقوي وان ربنا سبحانه بيسمح بالتجارب علشان نفهم ونتعلم".

التجارب

وأشارت إلى التجارب قائلة: "أي حد اشتغل في مجال بحثي؛ زي حالتنا كده؛ هيعرف إن التجربة عبارة عن ربط بين البعد النظري والعملي.. فالتجارب تُثبت  أمور لا يمكن شرحها مهما طالت السنين،  لذا عندما نسأل شخص "لو رجع بيك الزمن تكرر نفس الاختيار؟؟ يجاوب أيوة".

كفاية لوم وجلد ذات

بينت الدكتورة نانسي أن وقت التجارب يتخيل الشخص أنه كان السبب، أو يبحث عن شخص يرمي عليه كل المسئولية، مضيفة: "الحقيقة المبالغة في اللوم بتخليك مش مبادر ومش بتساعدك تتعلم من أخطائك، والمبالغة في جلد الذات بتخليك مش شايف بعينك الدروس المستفادة".

البداية الجديدة

وأوضحت الدكتورة نانسي أن البداية الجديدة "ممكن تبقي في شكلك، في مكانك، في شغلك، بس الأهم من ده كله تبقى من جواك".

وتابعت: "ناس كتير وقعت واتكسرت بس اللي جوة متغيرش، وده بيفسر ليه بنقع في نفس الأخطاء وبنختار نفس الاختيارات وبنوصل لنفس النتايج، لأن كتير بنحاول نجدد من برة بس ياما ناس شفتها بعد صدمات بسنين مستغربين ليه تعبانين رغم ان -من وجهة نظرهم- عملوا كل حاجة، لكن الحقيقة إن التعافي للأسف متمش بشكل صح، ولا وصلوا لشفاء النفس الحقيقي".

طول مدة تحملك مكنش غباء أو عدم فهم

وحذرت الدكتورة نانسي من الانشغال عن التعافي الحقيقي بالتركيز على فكرة (ليه استنينا كل دة)، فعلى العكس تماما من يمنح الفرص و"بيعافر في العلاقة وبيحاول للآخر.. نسبة شعوره بالذنب تكاد تكون ولا حاجة، وتأكد إن كل مرة حاولت فيها تصلح منحتك قوة أكبر".

وتابعت: "كل مرة وعيت للي انت بتعاني منه دة كبر طوبة في مبنى نضجك، كل مرة عرفت تقول لا أنا مش عاوز أتأذى (حتى بينك وبين نفسك) بتكبر جواك جدار الحدود وبتغرس جواك نضج وفهم ووعي أكثر".

وأنهت حديثها: "كل مرة اديتي اللي قدامك فرصة وفهمك غلط أو أساء استغلالها كانت بتزود جواك الإرادة والإصرار والفهم الصحيح للي بيحصلك".

اقرأ أيضًا..

آخرهن شيرين عبد الوهاب.. فنانات عربيات حليقات الرأس لأسباب مختلفة| صور