كيف أتغزل في زوجي؟ كان ذلك هو سؤال إحدى الفتيات عبر جروبات العرائس الجدد على موقع التواصل الاجتماعي "فيسبوك"، حيث تكون الفتاة قليلة الخبرة في التعامل مع الزوج في بداية فترة الزواج.

وطرحت إحدى المتزوجات حديثاً هذا السؤال على جروب الفتيات، قائلة: «أعاكس جوزي ازاي»، كما سألت أخرى نفس السؤال على جروب آخر أيضاً؛ مما يدل على أن النساء تبحث عن طريقة للحفاظ على حياتها الزوجية سعيدة.

وفي هذا الصدد، جاءت التعليقات من النساء بعضها ساخرة والبعض الآخر تشجع على معاكسة الزوج بالكلام اللين أو المغازلة والرومانسية والابتسامة الساحرة.

علقت مريم على المنشور قائلة: «زي ما الست بتحب المعاكسة والكلام الحلو، الراجل كمان بيحب يسمع كلام حلو برضو من مراته وحبيبته، لأن ده بيظهر له حبها ليه وكمان اهتمامها بيه، وكفياكي بقى كلام عن العيال والطبيخ والمصاريف، لازم الكلام ده يكون موجود بينكم عشان تجديد العلاقة والبعد عن روتين الحياة الزوجية، وده عايز جرأة من الست عشان تعرفى تتقني الدور واللى مش جريئة تتعلم بدل ما واحدة تانية تعاكس جوزك وتلطشه».

وأضافت: «عودي نفسك تقوليله إيه القمر ده إيه العسل اللي متجوزاه ده مفيش منه اتنين ياناس محدش جابه غير حماتي، وتقوليله اسم امه هي مامتك جابتك منين ياخواتي وتبوسي فيه، مثلا تخليه معدي من جنبك زغزغيه حتى لو مش بيغير انكشيه بأي حاجه وفي أي وقت مش شرط في العلاقة لأن الكلام ده هيقلب بهزار وما ينفعش وقت العلاقة».