فن وثقافة

مي كساب: شوفت حقيقة الكل وندمانة

الثلاثاء 02/نوفمبر/2021 - 08:02 ص

إبراهيم خالد

تصدرت الفنانة مي كساب محركات البحث على موقع جوجل، وذلك بعدما حذفت صورها مع زوجها مطرب المهرجانات محمد صلاح الشهير "أوكا" ولم يتم كشف أي تفاصيل عن سبب حذفها للصور.

ويذكر أن مي كساب شاركت جمهورها بصورة حكاية "عقبال عوضك" من مسلسل "زي القمر" عبر حسابها الرسمي "فيس بوك".

رسالة ندم

وكتبت على الصورة "الكام يوم اللي فاتو كانوا أطول مدة أقعدها لوحدي في حياتي وباعترف شفت الحقيقة الكاملة حقيقة نفسي حقيقه كل حاجة حواليه وعرفت قيمة كل حاجة، وندمت على كل لحظه ظلمت فيها نفسي أو ظلمت حد من اللي باحبهم وبيحبوني".

مي 2010

وأضافت: "اللي بتكتب دلوقتي مي بس بتاعه 2010 بس بمخ العشرين سنة اللي إشتغلت فيهم ونجحت وأخفقت بسبب ظروف وأوضاع اتفرضت عليه بس الحمد لله راضيه تمام الرضا على كل إبتلاء وكل مشكله اتحطيت فيها".

أصعب 11 سنة

واستكملت: "لأن في الآخر ربنا سبحانه وتعالي كان بيحلهالي في الآخر عشان أقدر نعمه، أنا عدى عليه 11 سنة صعبين جدًا يمكن القريبين مني عارفين أنا استحملت إيه وواجهت إيه أنا مسحت كل لحظة مش عاوزه أشوفها تاني".

بداية جديدة

وأكدت قائلة: "عشان بتفكرني إني كنت مش أنا وسببت كل لحظة وكل صورة بتعبر عني وعن اللي جوايا وعن أكتر حاجات مأثرة جوايا كفنانة وكإنسانة، ومسحت كل صوري العائلية ولو إن دي مش أنا لحد ما أرجع أنا وأسجل لحظاتي الحلوة مع عيلتي الجميلة أكبر نعمة من رب العالمين جوزي وأولادي وأهلي وأصحابي وزملائي رفاق الرحلة الأوفياء الصادقين".

وأضافت : "السند والضهر اللي خلاني أعرف أعدي الـ 11 سنة دول باعترف عقبال عوضك كان عوضي الفني والإنساني بعد صبر 11 سنة حبيت أفضفض معاكم وأطلع اللي في قلبي؛ عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن".

هارجع وأقاوم

وأنهت حديثها قائلة: "وبإذن الله العلي الكريم أنا هارجع أنا وهاحارب واقاوم كل روح شريرة وكل طاقه سلبيه أثرت عليه في السنين اللي فاتت وربنا يقدرني وأكون إنسانه صالحه وفنانه صاحبه رسالة وأكون خير في الدنيا بحبكم من قلبي وحقيقي حبكم ليه هو الحياة".

اقرأ أيضًا..