قرار من الجهاز القومي للاتصالات عن أسعار خدمات الإنترنت والمحمول
هند صبري في «حلاوة الدنيا» وأمينة خليل في «ليه لأ» وحنان مطاوع في «إلا أنا فتيات أحلام البنات»
الأربعاء 06/أكتوبر/2021 - 09:51 ص
عبدالله أبو الخير
كم مرة أثناء مشاهدتك لأعمال درامية سرحت بخيالك ورأيت نفسك في تلك البطلة التي أعجبت بشخصيتها؟ بالتأكيد الكثير من المرات؛ لذا إذا خُيرت في اختيار شخصية درامية تكونيها في الواقع؛ فمن تختارين ولماذا؟
هذا ما عرفته «هير نيوز» من عدد من الفتيات؛ اللائي أضاء ثغرهن ابتسامة خجولة عند سماع السؤال.
يبدوا أن هاجر سويلم تتمتع بالطيبة الزائدة وتريد التخلص منها؛ لذا بادرت بذكر اسم الفنانة هند صبري بشخصيتها التي جسدتها في مسلسل حلاوة الدنيا؛ فقالت بلهفة ممزوجة بخجل:" دي كانت هتتجوز خلاص فراحت تعمل تحليل لقيت عندها كانسر فقررت تواجه خطيبها وتقوله فلما عرف سابها، وبدأت تواجه المرض لوحدها لحد ما تغلبت عليه"
وتابعت "هاجر" وبدأت تساعد الناس كمان عشان يتغلبوا عليه، فعجبني فيها كتير جرأتها في أنها مخبتشي علي خطيبها وكملت حياتها عادي وتجاهلت المرض مع ان كان صابح فرحها خلاص بس هي محبتشي تخدعه، حبيت كمان فيها أنها تكيفت مع ظروف المرض ولما شعرها وقع بدأت تلبس بواريك وتعيش حياتها عادي وتروح شغلها من غير ما تستسلم للمرض وكدا"
في حين نجد "ندا" تفكر بشكل جنوني وطائش فتقول:" المسلسل بتاع " ليه لا" بتاع أمينة خليل لما سابت البيت وقررت تعبش لوحدها؛ دي حاجة انا نفسي اعملها بس انا جبانه؛ وهي بردوا في دورها كانت شخصية جبانة لحد ما جاتلها الفرصة إنها تعتمد على نفسها وتشتغل، فتجرأت وسابت بيتها وأجرت شقة واشتغلت في مطعم، ومامتها كانت بتحاربها إلا إنها كانت مصره إنها تعتمد على نفسها لحد ما نجحت".
بينما أظهرت "سما" طيبتها عندما قالت: "حنان مطاوع في "إلا أنا" كانت صابرة وكده عجبتني شخصيتها جدا في إنه رغم الظلم اللي حصلها ميأستش وفضلت بطيبتها وشخصيتها وخدت حقها في الآخر"
وبكل ثقة قالت أميرة عبدالفتاح أنها ترى أن "أحلام" في مسلسل حكايات بنات هي بالفعل أقرب لشخصيتها: "طموحه جدا بتحاول كتير عشان توصل للي هي عايزاه. وفي علاقتها مع صحابها كانت دايما موجوده عشانهم في كل وقت، كانت شخصية قوية وإلى حد ما مخططة لحياتها".
اقرأ أيضًا..
بينما "أهلة " فبأسلوب براءة الأطفال قالت " شخصية نادرة في مسلسل أهو ده اللي سار_ وبعد تنهيدة ونظرة رومانسية للسقف_ كانت شخصية كيوت جدا وأسلوبها حلو ورقيقة وجميلة وبتعزف بيانو، وكانت شخصية مخلصة جدا لحبها "
