بملعقة واحدة.. 6 فوائد للعسل تحدث في جسمك لن تصدقيها.. ما هي؟
"اللي حواليا ما بيحبونيش".. ما علاج الشعور بالرفض؟
الخميس 30/سبتمبر/2021 - 03:02 م
عبدالله أبو الخير
تحدثت الدكتورة نانسي ماهر؛ خبيرة العلاقات الأسرية ومرحلة المراهقة؛ عن الشعور بالرفض من المجتمع وآثاره السلبية على نفسية الأفراد، وكيف يتم تجاوزه والتعافي منه، وذلك عبر منشور على صفحتها الشخصية بموقع التواصل الاجتماعي "فيسبوك".
الرفض شعور قاتل
كتبت: "الرفض شعور قاتل، ممكن يبدأ من أول ما بنيجي الدنيا؛ أترفض من أهلي علشان بيقارنوني بحد أو بحاجة مش في إيدي، أترفض من مدرستي أو مدربيني علشان مش بعرف أبيِّن قد ايه أنا شاطر أو مش بعرف أقول إن مش دي منطقة موهبتي مثلا، أترفض من أصحابي علشان نفسنة أو مصالح أو شللية أو حتى رخامة".
وتابعت ماهر: "ولما أكبر ممكن أكون مرفوض من مديري علشان مش بعرف أطبل، مرفوض من شريك حياتي ومش عارف أوصله أو أحبه أو أفهمه، مرفوض من أولادي لأني مش ع الموضة ولا بعرف أدوس في الأجواء الغريبة اللي عاوزينها".
أترفض من نفسي
وأضافت: "الأصعب من كده إني أترفض من نفسي من كتر ما بصدق اتهامات الناس أو من كتر ما اترسَّخ جوايا إني لا أستحق، والأخطر على الإطلاق إني أحس بإني مرفوض من ربنا سبحانه، وخصوصا لما الذنب والنقص والمشاعر السلبية تتمكن مني وأوصل لمرحلة إني مش مصدق إني أستاهل أتقبل أو أتحب".
علاج شعور الرفض
وأكملت نانسي: الحقيقة يا صديقي إن شعور الرفض شعور مميت، بس علاجه مهم جدا يبدأ من جواك، وتأكد من الآتي:
الرفض اللي شفته في طفولتك ربنا سبحانه عارفه وحاسس بكل اللي مريت بيه وعارف إن معظمه كان ظلم وقع عليك، وربنا مهما طال الوقت بيعوض المظلومين وبيرحمهم.
أي رفض حصل علشان بتخاف ربنا أو بتراعيه عمره ما هينساه.
أي رفض اتعرضتله علشان نقص ما أو تصرف تقدر النهارده تقوم وتفهم إيه اللي بإيدك وإيه اللي براك، وإيه اللي أنت عاوز تعمله علشانك، وإيه اللي الناس بتحسسك إنك مرفوض بسببه فبتضطر تعمله علشانهم.
وأوضحت ماهر: وعلى قد ما هتفهم نفسك، هويتك، هتقدر تحدد وتتعافى من الرفض، كل ما هتقرب لصورتك في عين نفسك وفي نظر الله هتعرف إيه السبب وهتقدر تلحقه إزاي، وقبل كل شيء تأكد إنك محبوب، مخلوق في أحسن صورة، غالي ومش مرفوض.
