كلام ستات

داليا تخلع زوجها: «بصباص» ومعايا أصم

السبت 25/سبتمبر/2021 - 08:34 م

عزة ذكي

سيدة عشرينية تقف بملابس أنيقة أمام محكمة الأسرة بمحافظة الدقهلية، تطلب إقامة دعوى خلع من زوجها، مؤكدة أنها لجأت لمحكمة الأسرة بعد محاولات كثيرة معه للتحدث معها وقيامها بالضحك والهزار وإثناءه عن النظر للسيدات والبنات، لكنه لم يستجب على الرغم من عدم تقصيرها وفقا لها.

" جوزي بصباص، على الرغم من عدم تقصيري وتمتعي بقدر كبير من الجمال، لكن طبعه متغيرش، طول ما إحنا ماشيين في الشارع بيبص على الستات والبنات، ومعايا في البيت أصم لا كلام ولا هزار ولا دلع ولا أي حاجة، احنا تزوجنا زواج تقليدي من 3 سنين، بس كنا مبسوطين وقلت إن الشباب كلهم بيبصوا على الستات لكن لما بيتجوزوا ربنا بيهديهم، لكن طلع اعتقادي غلط ومتغيرش"، كلمات قالتها " داليا.ط"، البالغة من العمر 24 عاما.

أضافت الزوجة في دعواها، أنها حاولت مع زوجها أن يغير طبعه لكنه لم يغيره: "تعبت وحاولت معاه كتير يغير طبعه، لدرجة اني قولت ليه لو مش عاجبك حاجة فيا قولي، علشان نحافظ على استقرار الأسرة وعلشان خاطر طفلنا، مسمعش الكلام، بحاول أغير من نفسي علشان أعجبه مفيش فايدة، ومن أول جوازنا وهو صامت معايا لكن بيتكلم كتير مع صحابه وصحباته في التليفون، حتى العلاقة بينا روتينية بسببه".

اقرأ أيضًا..

صفاء تخلع زوجها بسبب خيانته مع «فتاة فيسبوك»

وأكدت الزوجة أنه طلبت الطلاق لكن دون جدوى لذلك لجأت لإقامة دعوى خلع:" طلبت الطلاق رفض وقالي هتفضحينا وضعنا الاجتماعي ميسمحش، وأنا كمان مش قادرة أتحمل العيشة، فلجأت لمحكمة الأسرة طلبا للخلع ورافضة أي تصالح بيننا".