عمر مرموش يتصدر قائمة الأكثر تأثيرًا في الشرق الأوسط
صاحب تريند "الطفاية دي" يكتب شعرًا لوالدته "أتمنى أبوس قدميك"
الأحد 19/سبتمبر/2021 - 01:57 م
عبد الرافع علي
قال البائع الفصيح صاحب تريند "الطفاية دي"، إن لديه موهبة في الرسم والنحت والشعر قرر توظيفها في إنتاج صناعات يدوية، ليتحمل مسؤولية أسرته المكونة من ثمانية أفراد منهم 5 بنات، مضيفا أن لديه قصيدة يهديها لوالدته ولكل أم صبرت وكافحت مثل أمه.
إلقاء قصيدة
وألقى البائع أيوب قاضي قصيدته: "مسكت الزهر وجولت أرميه واشوف حظي فيه طلع مليش فيه، مسكت الزهر وجولت أرميه من تاني لقيت أمي واقفه بتدعي قدامي روح يولدي كل دعوة بتناديك، وكل ضحكة فرحانة بيك، وكل دعوة من يوم ما جيت بتدعيلك ربنا يحميك، دعوة أمي كلها بهجة وفيها سرور، جات تدعيلي راح جطع النور، جالت مش بيدي يا ولدي من يوم ما تشوف الفرحة يجطع عليك النور، شوف يا ولدي سيبك من اللي يجول في ضهرك، وبص جدامك هتلاقي السعد جالك والناس هتفرح لما تسمع حكاويك وأحلامك".
وتابع أيوب: "افرح يا واد وخلي الضحكة تعبّي وشك، امشي صح وسيبك من اللي يقول في ضهرك ومن اللي يغشك، أنا شيلت الهم بدري وكبرت، إنت شيلت شويه عني، راعي اخواتك عشان دول دمك ودول مني من يوم ما مات أبوك وسابكم صغيرين جُلت ربنا المعين، كبرت يا بني وشيلت شوية عني، ومهما كبرت يا بني إوعى تخيب ظن اخواتك فيك ولا تخيب في يوم ظنّي، راعي أختك وراعي أخوك، دول مهما كان بيحبوك، وفي غيابك بيكبروك ويجدروك، ولو في أي ظرف يا ولدي مش هتلاقي غير ربنا وأخوك، كبرنا يا امَّا وبفضلك إنتي بجينا صحبة وبجينا لمة، ياللي بعدك انتي يا امَّا دنيتي ما تساويش، حلتيلي دنيتي يا امَّا وجنبك أجول ليه السكر ما بيحلِّيش، كلمة بحبك يا امَّا ما تكفينيش، عايش برضاكي يا امَّا ياللي بيكي عشنا أحلى دنيا، حبك صبا طارح بينور كل الذرة وكل الورود، حبك سما صافية بتصفي وبتنجي الجلوب، حبك نجوم ليل وجمر بينور على محبوب، وبيجول لفيت كتير ما لقيت غيرك إنتي يا امَّا أصفى وأحن القلوب".
وقام مفتخرا بوالدته أمام الملايين يطلب تحقيق أمنيته وهي أن يقبل قدميها على الهواء، وامتلأت عينا الأم بدموع الفرح والحب، فحاول الترويح عن أمه وقال: "الطفاية دااي، الطفاية دااي".. فابتسمت الأم.
