علاء مرسي يستقبل ابنته بفستان زفافها بالدموع (صور)
فريدة سيف النصر تُهاجم مروجي الشائعات: «أنا مش سوسن»
نشرت الفنانة المصرية فريدة سيف النصر، اليوم منشورًا عبر حسابها الشخصي على موقع التواصل الاجتماعي، توضح فيه حقيقة الشائعات التي تلاحقها حولها وحول عمرها بالإضافة إلى الأكاذيب حول حياتها الشخصية، وعلقت فريدة سيف النصر: "طيب.. برغم اللي الواحد فيه.. مش سايبيني في حالي.. كل المواقع حتى بيروت كل الجرايد الإلكترونية والويكيبيديا.. معقول حتى اليوم السابع والفجر.. مش طريقة بيهنوني بعيد ميلادي واسمي ونبذة عني كله غلط".
وقالت فريدة: "أنا اسمي فريدة جلال سيف النصر على اسم جدتي.. أنا اتولدت في مستشفى العجوزة.. أنا مدرستي ابتدائي النهضة الخاصه.. إعدادي ثانوي القومية.. كلهم في العجوزة.. بعد كده فنون جميلة الزمالك.. كان سابقني كل من حسين الإمام معالي زايد صلاح عناني وكتير أنا دخلت إعدادي وهما آخر سنة".
وأضافت سيف النصر: "أنا تزوجت وأنجبت ابن وحيد محمد حاليا عندي
حفيدتين لارا 5 ، وتاليا 3 بنات ابني محمد وزوجته منه.. أعيش ببساطه وطبيعية والفن
بالنسبة لي بدايته مكتوبة عند ربنا مسابقة جمال الصيف وغلاف لوجه جديد لمجلة
السينما والناس للدكتور عبدالمنعم سعد وكنت لسه 16 بس ضرفه اتفرجوا على فيلم
الضحايا لجنة التحكيم كانت فريد شوقي سمير صبري حسين فهمي صفية العمري، نيللي، جورج
سيدهم ، عاطف سالم ، وصحافيين كتير كبار وكانت الجوائز عقود عمل وجورج خدوني بطلة
مسرح علي طول.
وتابعت: "بالعافيه بيحطوني في واجهة الساخنة وأنا بفضل الله راجل أصلا، وللنهارده من أكثر من ثلاثين سنة كأنهم بيعايروني بفيلم مين فينا الحرامي كنت بطلة قصة مع عادل امام، "نقفش في الفراخ" ده افيه عايش للنهارده وكأنهم مسكولي زله عايشه معاهم كل السنين دي حتي عيال الجيل الجديد طيب حلو أنا ماتنسيش لطيفة.. مين بقي المركز معايا الله اعلم.. يعني أنا ماعملتش المذنبون ولا المغتصبون لكن هو كده".
وأعربت بمللها قائلة: "وأنا ماسميش سوسن إلا لو عايزين بدل
مايشوفوا فريده تبقي سوسن، واضح لأصحاب البصيرة ، ولا أنا مواليد 10 سبتمبر
61.. ولا عمري شوفت حدائق القبة ويشرفني أكون منها لكن أنا مواليد العجوزة.. ودي
حكايه تانيه دي ست غنية قريبة الخديوي والحي ده للراقيين الهانم العجوزة هابقي أحكي لكم".
وأوضحت فريدة: "وأنا لا عملت تجميل وده شعري يا صحافة ويالذاذ اللي كاتمين في قلبهم يااماا، ويشرفني أسألة جمهوري العشري حبايبي في الله فقط اللي بيحبوني العمر ده كله رغم قلة اعمالي يارب يخلليكم".
واختتمت الفنانة: "بس دي الحقيقه علي مصغر مختصر وعلشان نقفل الموضوع أتفضلوا نخلص بقي ومااسمعش صوتكم تاني أسألونا بدل التأليف..بالحق أبويا صعايده وأمي اسكندريه..وكفايه بقي الواحد مش ناقص. ونفسي حد يعمل حاجة أو يفكر يجرب البطاقه أهي ياللا بلا زهق وخنقه والعنوان اللي فيها أنا اتولدت فيه زمان في شهادة الميلاد أنا حاليا المهندسين النقطة تقول لكم أيامكم بيضا..سلام".
اقرأ أيضًا..
