نانسي ماهر: «زي القمر» يكشف مخاطر «الزواج الغيبي»

وكتبت "العطار" على صفحتها على الفيس بوك: "المسلسل ده بيعرض قضية خطيرة وشائكة جدا" في إشارة منها لمسلسل زي القمر"، قضية الزواج الغيبي، أو الزواج  بتوكيل يعني لما شخص مسافر يبعت حد من طرفه يعقد قران فتاة في دولة تانية بتوكيل".

وتابعت ماهر: "فكرة المسلسل بتدور حوالين مخاطر القصة دي وأبعاد كتير قوي مهمة ولازم ناخد بالنا منها:

ضغط الأسرة

ضغط الأسرة علي البنت لما يتقدم بها السن ويقولون لها إنها لازم تتجوز أي حد، أي راجل يبقي فرصة، مش مهم التفاصيل، بلاش نفحص ونمحص، وزي ما الأب قال لبنته في المسلسل "زمان كان بيجيلك عرسان كتير طوابير دلوقتي مفيش حد".

وتابعت: "وأختها وصاحبتها كلهم يضغطوا عليها في فكرة إن العريس ده أملة الصاحبة بتبص على الفلوس الشكل المنصب مش مهم أي حاجة تاني".

اطمن عليكِ

الأب الجميل قالها جملة من كلاسيكيات الجواز"عاوزه أموت وأنا مطمن عليكِ"، والرد صح جدًا بصراحة "العريس والبيت مش هم مصدر الاطمئنان، أعمل إيه لو جوازه بايظة، لو اختيار خاطئ، لو حد بهدلها ساعتها هتطمن".

العريس

اللُقطة، المسافة والتسرع  يدمروا أي بنت، البنت طول المسلسل تتساءل، ليه أنا وطبعا هو كل اللي يعرفه شكلها حلو وبنت ناس غير كدة ميهموش ولا طباع بقي ولا هوايات ولا اهتمامات ولا اي حاجة المهم يا سيدي الفاضل انه موافق بظروفها (هنا البنت كمان غير قادرة علي الإنجاب)، ودافع كتير وبيكدب بس.

الوكيل

الكارثة الأكبر لما ييجي بقى الشخص الموّكَل انه يتجوزها، هو اللي يبقى حاضر هو اللي يناقش الطباع هو اللي يشجع علي النجاح والأحلام، وهو اللي يعجب بيها لأنه بيتحط في "حالة العريس".

الخناق

اللي بيبقي مهدد مش بقنص ولا بزعل، لا بأمن، بفلوس، بمستقبل، بمخاطر غير محسوبة، وهي عاوزه تفرحهم عاوزه تخلص، عاوزه تتحرر في وجهة نظرها من الحرية ذاتها.

وأنهت ماهر: "أرجو إن حلقات زي دي تكون جرس إنذار لبنات وستات وبيوت كتير من الكوارث اللي بنشوفها".

نانسي ماهر تُحذر من «الجدار الحجري» في العلاقات الزوجية