خناقة على اتفه سبب.. 3 أمور تؤدي لسوء التفاهم بين الأزواج

أرجعت الدكتورة نانسي ماهر؛ خبير العلاقات الأسرية ومرحلة المراهقة؛ السبب في سوء التفاهم بين الأزواج، وترجمة الكلام بشكل خاطئ لثلاثة أسباب رئيسية، وذلك وفقا لما كتبته على صفحتها الرسمية على فيسبوك.

حيث كتبت "ماهر": "ايه اللي يوصل إنسان للدرجة دي، ايه اللي يخلي زوج يحس إن كل كلمة مراته بتقولها قصدها بيها مش كويس، وليه الزوجة ممكن تحس إن كل كلمة بيقولها زوجها قصده يضايقها أو يهينها، وتيجي تتكلم مع الاتنين تلاقي كل كلمة ممكن تتاخد بكذا معنى غير اللي كل واحد فيهم شايفه".

وأضافت: "الحقيقة أكتر 3 حاجات يخلوا أي زوجين يبقوا حساسين ويترجموا كلام بعض غلط:

1. التراكمات؛ تراكم الخبرات السلبية بين الزوجين تخلي كل طرف متحفز للتاني لما يسمع أي كلمه منه، كتر الخناق والكلام السلبي يخلي الاتنين مش مرتاحين لكلام بعض يخلي اي حوار يبدأ وينتهي في ساعتها او ينتهي بخناقة علشان محدش مستحمل الثاني.

2. الشك أحيانا في أزواج وزوجات بيبقوا عندهم شك في نية اللي قدامهم بسبب طبيعة شخصيتهم أو بسبب طبيعة المواقف اللي بيمروا بيها وسط الناس في الشغل او المجتمع ده بيخلي كل واحد يحس إن التاني أكيد عاوز يجرحه أو يضايقه.

3. الخبرات الخارجية زي حد بينقل كلام حد بتفضفضله بكلام؛ أهل أصدقاء بيستغلوا مشاكلك مع شريك حياتك فيترجمولك كلامه غلط، أو هم نفسهم يتعبوك بكلامهم فتحس إن المشكله فيك أنت، وفي الحالتين بتبقي حساس زياده لكلام شريك حياتك أو مش واثق في نفسك، وفي الحالتين بتاخد كلام شريك حياتك بسوء نية فالنتيجة خلافات ومشاكل كبيره من كلمات تبان بسيطة بس بتدوس علي جراح عميقة أو بتدمر علاقتك.

اقرأ أيضًا..

إيمان عبد الله تكشف لـ«هير نيوز» أسباب استثارة الرجل لزوجته