فواكه تساعد في إنقاص الوزن الزائد
«هجبلك شوكولاته لو سمعت الكلام».. أخصائية تُحذر من عبارات تُسبب لطفلك اضطراب نفسي
الخميس 02/سبتمبر/2021 - 02:48 ص
عبدالله أبو الخير
حذرت الأخصائية النفسية، الدكتورة هايدي المصري من معاقبة أو مكافأة الأطفال بالطعام، وذلك لما قد يُسببه لهم اضطرابًا نفسيًا يُسمى باضطراب الأكل العاطفي emotional eating، وهو ما قد يصيبهم بالشراهة ومن ثم السمنة فيما بعد.
حيث كتبت على صفحتها على الفيس بوك: "مالك يا حبيبي؟ زعلان؟، معلش تعال هاجيبلك حاجه حلوة، أو هاعملك الأكلة اللى بتحبها، أو خلص واجبك يا حبيبي عشان تأخد حاجة حلوة، أو هاجيبلك الشيكولاته اللي بتحبها لو سمعت كلام ماما".
وأشارت إلى أن الأكل العاطفي مصنف كاضطراب نفسي: "هو اللي يخليك وأنت زعلان تاكل وأنت مبسوط تاكل وأنت تعبان بردو عايز تاكل حتى وأنت شبعان".
وأكدت "هايدي" أن بداية المشكلة تظهر في الطفولة لأن عادات مجتمعنا المرتبطة بالأكل تساعد بشكل كبير في ظهور المشكلة، "خد بالك لو أنت دايما بستخدم الحاجات الحلوة والأكل كعوامل تحفيز طفلك، أنت بتخلق عنده مشكلة، وممكن تكون النتيجة رجل بالغ راشد أو امرأة مصابين بـ شراهة في الاكل غير محدوده، كل مشاكله لازم يكون الاكل طرف أساسي فيها للسيطرة على مشاعره و احزانه أو للتعامل مع الضغط.
وأنهت كلامها: "المختصر لو أنت أم و أو أب لا تكافئ أو تعاقب أو تواسي أطفالك بالطعام في صغرهم لأنك هاتكون السبب في مأساة السمنة والمعاناة في كبرهم، الهدايا التشجيعية والتحفيز المعنوي مهم جدا وكمان المادي لكن مش بالضرورة يكون حلويات أو آكل".
اقرأ أيضًا..
