بنات

بلاش خلخال.. نصائح للبنات قبل دخول الجامعة في «الموضة واللبس»

الثلاثاء 24/أغسطس/2021 - 11:04 م

ميادة فتحي

مع اقتراب بدء العام الدراسي الجديد في الجامعات، ومع حيرة طلاب وطالبات السنة الأولى، نقدم للفتيات بعض النصائح الهامة التي تُعينهم على استكمال مرحلتهم الدراسية دون أي صعوبات أو مشقّة.

ورصدت «هير نيوز» أبرز النصائح التي قدّمها خبراء التعليم لطلاب وطالبات السنة الأولى وكيف يبدأون عام جديد بسلام.

1- قبل أي شيء لازم يكون في عقلك نقطة رئيسية وهي إنك رايحه الجامعة تدرسي وده الهدف الأول والأساسي بتاعك

2- الإكسسوار بتاعك مش بالكُتره ومش هيصة هي، انتِ مش طالعة سهرة في فرح، لازم الإكسسوار بتاعك تكون سمبل كده ورقيقة .

3: لازم يكون عندك شنطه كبيره ويفضل الجلد بتاعها يكون طري لانها هتشيل كتب ومراجع والمحفظة بتاعتك ونضارتك وخلافه يعني شنطة عملية مش مجرد منظر وخلاص.

4: هاتي جزمه مريحه او كوتش لأنك هتتحركي كتييير وهتلبسيه فترة طويلة فلازم تكون حاجه مريحه ف رجلك وابعدي عن الكعب العالي والجزم اللي بتلمع.

5:بالنسبة للملابس لازم يكون عندك في دولابك جاكيتين جاكت أسود وده هيكون للأيام البرد الشديد هتلبسيه على أي طقم هيدي شكل حلو وكمان هيدفيكِ وجاكت جينز ده هنخليه للفتره اللي هي بين الشتا والصيف والأيام اللي هي مش برد قوي.

6:بالنسبة لألوان اللبس لازم تكون هاديه جدا أياً كان ستايل لبسك أيه وتكون متناسقة بلاش تلبسي عشرين لون مع بعض وخليكي فاكرة أن أهم حاجة اللبس يليق عليكي ومتناسق مش مجرد حاجات غالية.

7:بالنسبة الميك أب يفضل متحطيش ميكب لأن اليوم طويل وهيسيح منك ولو متقدريش تستغني عنه يبقى هادي جدا يدوب يحدد ملامح الوجه واهم حاجه وانتي بتشتري الفونديشن اشتري الدرجة لون بشرتك ويفضل بدل الفاونديشن Babykrame

8:لو هتحطي الايلينر يكون خفيف خالص مش لازم اللي يشوف عنيكي يفتكر الساحرة الشريرة.

9:حددي عينك بكحل اسود وخصوصا عينك من فوق عشان يبقي شكل عنيكي حلو وممكن تحددي عينك من فوق بكحل اسود وعينك من تحت حطي فيها كحل ابيض بس واياكي تستخدمي أي لون تاني

10:ألوان الروج تكون هاديه خالص أو ممكن لون الشفايف هاتي ألوان فاتحه وبلاش النبيتي والبني الغامق والألوان دي من فضلكوا انتوا رايحين تتعلموا.

11:هاتي نضارة شمس شيك تكون لايقه علي وشك وابقي البسيها عشان تحمي عينك من الشمس.

12:بالنسبه للحجاب بقي لو انتي محجبه بلاش تطلعي شويه من شعرك غطي شعرك كله ادام محجبه وانتي مش رايحه فرح انتي ف جامعه

13:ولو بشرتك خمريه يبقي في الوان معينه تليق مع بشرتك زي الكاشمير والكافيه والبيج الغامق والبني بس درجه افتح شويه والجراي

14:اما لو بشرتك فاتحه ف البسي الابيض والارجواني والأزرق الفاتح والأخضر الفاتح

وأخيراً بلاش تلبسي خلخال انتي رايحه جامعة تتعلمي مش رايحة تشخللي.

اقرأ أيضًا..