فن وثقافة

لوسي عن «شتيمة الساحل»: «كنت بقول أحلى بس الميكروفون بايظ»

الأربعاء 28/يوليه/2021 - 08:58 م

نفت لوسي صحة فيديو تم تداوله مؤخرًا، لها في حفل بالساحل الشمالي، ظهرت فيه وهي تغني على المسرح وتتفوه بلفظ خارج على أنغام الموسيقى.

وأكدت، أن هناك سوء فهم أو تلاعب ما حدث في صوتها.

وقالت: "كنت بغني على المسرح وحواليا أصحابي وكنت بحييهم وأقول "أحلى أحلى أحلى ناس" ولكن الميكروفون كان به عيب فني قطع الصوت في بعض الكلمات، ولهذا فهم البعض الموضوع بشكل خاطئ".

وأضافت "لوسي"، "أنا ست محترمة، ولبسي كان محتشم ومش عريان، وفي ناس عايزة تفسر الكلام على هواها هو أنا قلت إيه غير أحلى فيها إيه كلمة أحلى فيها قلة أدب؟.. بقول أحلى ناس أحلى جمهور، أنا مخارج الألفاظ عندي كويسة طب أعمل إيه؟!.

وأوضحت لوسي أن ظهورها على المسرح لم يكن في حفل جماهيري تحييه بل في عيد ميلاد أحد أصدقائها وبحضور عدد من الفنانين محمد فؤاد ومصطفى حجاج وأنها صعدت للمسرح كي تحيي الجمهور وتقول "أحلى أحلى ناس".

وتابعت لوسي: لو واخدين الجملة غلط دي حاجة تخصهم متخصنيش.. أنا بحترم نفسي وبحترم الناس، ومفيش مناسبة علشان أقول لفظ خارج ومحدش قالي حاجة وحشة عشان أقول لفظ خارج.. اسمعوا فايزة أحمد وأم كلثوم بيقولوا حرف الحاء ازاي".

وأوضحت لوسي أن الفيديو المتداول خضع للمونتاج مثلما حدث معها سابقا حيث تم استقطاع جزء من كلامها وهي تتحدث عن إحدى زميلاتها مضيفة "أنا مبغلطش في حد واللي بيشتمني بقوله الله يسامحك".

اقرأ أيضًا..