سعاد في دعوى إثبات نسب: «طردني ومش عارفة أسجل بنتي»

"طردني ومش عارفة أسجل بنتي من 8 سنين".. بهذه الكلمات وقفت الزوجة "سعاد. أ" أمام محكمة الأسرة في أسيوط تروي مأساتها في دعوى إثبات نسب طفلتها ضد زوجها "إبراهيم.ص".

طردني ومش عارفة أسجل بنتي
وقالت الزوجة "سعاد. أ" في الدعوى التي حملت رقم 4469 لسنة 2021، إنها تزوجت من زوجها عرفيًا منذ 11 عامًا، وذلك بسبب أنه استغل جهل أهلها وحاجتهم إلى المال واشترط في زواجهما أن يكون عرفيًا، مشيرة إلى أنه بسبب حاجة أهلها للمال وافقوا على تلك الزيجة.

وأضافت الزوجة: "عيشنا في أول سنة في الزواج كأحسن زوجين كل اللي بنعوزه بنعمله وكل حاجة كان بيجبهالي لحد ما حملت، وبعد ما قربت على الولادة وعرف إني خلفت بنت ثار وطردنى وألقى على يمين الطلاق وأصبحت فى الشارع، بدون أى أوراق ثبوتية مما منعنى من تسجيل البنت واستخراج شهادة ميلاد لها وحاولت طوال 9 سنوات التواصل معه ولكنه كان يحاربنى بأمواله".

وتابعت: "فضلت طول الـ9 سنين بخدم في البيوت عشان أقدر أعيش أنا وبنتي، وعشان أدخلها المدرسة كان لازم يكون في شهادة ميلاد، وبسبب عدم تسجيلها مدخلتش المدرسة وعانت معى فى البحث عن مصدر رزق رغم أن والداها ميسور الحال ويملك ملايين الجنيهات، ولكنه بخل عليها بأن تعيش بآدمية".

واختتمت: "كل اللي أنا عايزاه إن بنتي تعيش زي البني آدمين وتخش المدرسة، عشان بردو لما تيجي تتجوز تبقى تعرف تتجوز".