حوادث

أمام محكمة الأسرة.. ثريا: "عايز يحدد إقامتي والناس اللي اتكلم معاهم"

الإثنين 14/يونيو/2021 - 12:34 م

أمام محكمة الأسرة..

هاجر الصباغ

"عايز يحدد إقامتي والناس اللي اتكلم معاهم".. بهذه الكلمات بدأت "ثريا. ع" حديثها أمام محكمة الأسرة في إمبابة في دعوى الخلع ضد زوجها "هشام. أ".

وقالت الزوجة "ثريا. ع" في الدعوى التي حملت رقم 3388 لعام 2021، إنها أصبحت غير قادرة على العيش مع رجل كهذا، حيث إنه يريد أن يجعلها محددة الإقامة في المنزل، فضلًا عن أنه يريدها ألا تتحدث إلى أحد من أقاربها، وحينما يتحتم الحديث يكون بأقل الكلمات.

وأضافت الزوجة: "قولت لما اتجوز من محاسب هيعوضني عن الزواج الأول بثقافته وحنانه إلا أننى بعد الزواج بشهور قلائل لاحظت تغيرا فى طباعه وميله لحب التملك؛ لأنه كان دايما يقولي أنا مش عايزك تكلمي حد من أقاربك ولا حتى أقاربي أنا كمان".

وتابعت: "بيشك في أي حاجة لو اتكلمت مع أي حد حتى بتاع الخضار بيشك فيه، مبقتش عارفة أعمله إيه وكمان كان كل شوية يشتمني ويعاملني كأني مش بنت ناس، وضرب وتجريح وحاجات كتير، وكان الكلام الطيب ولغة الحوار بين الزوجين غير موجودة لديه، وكثيرًا ما عنفني بدلًا من أن يحنو علي".

وأردفت: "لما اكتشفت إن مراته الأولانية سابته عشان حب التملك اللي عنده ونفس التصرفات اللي بيعملها معايا أيقنت إنه بني آدم غير سوي، عايز كل حاجة ليه وبس، والعيشة معاه بقت مستحيلة، فقررت رفع دعوى للخلع من أجل الخلاص منه".