توك شو

أسرار لأول مرة عن مريم فخر الدين مع أزواجها الأربعة | فيديو

الأربعاء 02/يونيو/2021 - 10:11 م

مريم فخر الدين وأزواجها الأربعة.. وتؤكد:«الرجالة بتزعل لما ب

يوسف العرباوي

روت الفنانة الراحلة مريم فخر الدين قصة زواجها من الفنان فهد بلان، قائلة: "بعد طلاقي من الدكتور الطويل أخدت ابني وسافرت إلى لبنان، وفي نفس الليلة اللي وصلت فيها لبنان فوجئت بمنتج بيطلب مني العمل في أحد الأفلام وأعطاني 500 جنية إسترليني كـ عربون".

مريم فخر الدين وأزواجها الأربعة

وأضافت في لقاء تليفزيوني قديم لها مع الفنانة صفاء أبو السعود ببرنامج "ساعة صفا" المذاع علي قناة "art"،: "كنت رايحة لبنان شحاتة، ولقيت المنتج الفني بيقولي تعالي علشان نتصور وننشر تفاصيل حضورك للبنان والإعلان عن تصوير الفيلم، وعلشان كنت قرفانة من الرجالة مكنتش ببص على وجوه الحاضرين، وفجأة لاقيت شخص طويل عجبتني كرافتة بدلته ولم أرى وجهه، وطلب مني المنتج الرقص معه وبعد انتهاء الرقصة فوجئت به يقول لي بدي أتجوزك فقولت له: أنتَ تعرفني، فقال: شو عارفك من أفلامك وأنتِ زي ما أنتِ، وبعد انتهاء شهور العدة تزوجته".

وسخرت: "الأيدي البطالة نجسة ومش بضيع وقت الرجالة هي اللي بتيجي، وكلهم بيزعلوا لما أتجوز بعد الطلاق على طول لما تزوجت الدكتور الطويل، محمود ذو الفقار زعل وأخد مني ابنتي، ولما مات ابنتي ورثته، ولما تزوجت فهد بلان، الدكتور الطويل زعل".

وتابعت: "إيمان ابنتي زعلت من أغنية وأشرح لها، وطلبت مني الطلاق منه، مع أنه كان شخص جيد وأحببته، وتزوجت 4 رجالة مفيش واحد منهم اشترالي شبكة ولا نفقة ولا فرح".

واستطردت: "طلبت الطلاق من فهد بلان، علشان ولادي كان بيكروه وقولت له: ولادي بيكروهوك وأنا عايزة أطلق، فقال: حاضر، وراح جاب ورقة الطلاق وأعطاها لي على الباب ورفض يدخل الشقة وقبلني من خدي وقال لى: استري عليا لو كنت أخطأت معاك، وتركني ومشي".