زوجتي ميسورة الحال وترفض مساعدتي في مشروعي وسأطلقها.. والإفتاء تصدمه
زوجة تطلب تعهد زوجها كتابيا بعدم ضربها.. والقاضي يبتسم
الخميس 27/مايو/2021 - 09:35 م
زوجة تطلب تعهد زوجها كتابيا بعدم ضربها
هاجر الصباغ
«لو سمحت ياحضرة القاضي، عاوزاه يتعهد كتابيًا قدام حضرتك بحسن سيره وسلوكه، ويحلف إنه مش هيطردني من البيت تاني»، والقاضي يرد "كفاية تعهد أهله»، ملخص حوار طويل دار بين القاضي والزوجة " آلاء. م"، بعد موافقتها على الصلح مع زوجها والتنازل عن قضية الخلع.
في الدعوى التي أقامتها الزوجة "آلاء. م"، البالغة من العمر 25 عاما، ضد زوجها."علي. ك" بعد زواج دام 4 سنوات كان نتيجته طفلين « دايما عايشين في خناق وخلاف، وهو عصبي جدا وبيضربني على أي حاجة، وآخر مرة طردني من البيت في نص الليل».
«دايمًا بيصالحني عشان أرجع من بيت أهلي، ويفضل يتحايل عليا، ويوعدني مش هيضربني تاني، بس مش بيوفي بوعده»، لتؤكد الزوجة أن زوجها ينكث بوعوده دائما، ويعود ليتعدى عليها ضربا ولا يستطيع التحكم في غضبه، الأمر الذي يصيب أبناءها دائما بالرعب من أبيهم بسبب إهانتها وصراخه أمامهم « مش عاوزة أطلق بس هو اللي خلاني أعمل كده».
اقرأ أيضًا..
لتترجى الزوجة القاضي بكتابة تعهد كتابي على زوجها بعدم التعرض لها مرة أخرى « لو سمحت ياحضرة القاضي، اكتب عليه تعهد إنه ميضربنيش تاني، أنا استحملت إهانته كتير، وعارفة إنه بيحبني بس مش هستحمل عصبيته تاني»، ليبتسم القاضي ويؤكد لها أنه لن يتعرض لها بشهادة أهله « مش كفاية أهله ضمان يابنتي، هما اتعهدوا وضمنوه إنه مش هيعمل معاكي حاجة تاني».
